Emri/ Sekuestrohen pasuritë e paluajtshme dhe 97 makina të biznesmenit nga Shkodra!
E Enjte 18 Prill 2024, 09:09
Dritare.net
Prokuroria e Shkodrës ka sekuestruar pasuritë e biznesmenit Ago Gjolaj, pasi akuzohet për kontrabandimin dhe tregtimin e mallrave kontrabandë. Po ashtu Gjolaj akuzohet së është pjesë e një grupi kriminal që merret me trafikimin e lëndëve narkotike. Mësohet se prokuroria ka sekuestruar pasuri të paluajtshme dhe 97 makina.
"Gjolaj së bashku me dy vëllezërit e tij janë hetuar disa herë nga autoritet shqiptare madje edhe janë dënuar për vepra penale të ndryshme: kontrabandë, tregtim mallrash kontrabandë etj. Referuar të dhënave të grumbulluara deri tani Policia Gjyqësore ka dyshime të arsyeshme se pasuritë e shtetasit A.Gj. dhe familjarëve të tij nuk justifikohen nga pikëpamja ekonomike me të ardhura të ligjshme", njofton prokuroria.
/M.K-dritare.net
