Ekonomia, arsimi dhe shëndetësia/ Ja si vlerësohet Shqipëria në rajon!
Dritare.net
Organizata për Bashkëpunim Ekonomik dhe Zhvillim, (OECD), ka bërë një raport për 6 vendet e Ballkanit Perëndimor, në lidhje me disa fusha, ndër to ekonomia drejtësia, arsimi dhe shëndetësia.
Dy fushat e fundit, rezultojnë më të vlerësuarat. Në 10 vjet, 21% shqiptarë më shumë kanë kaluar nga një vlerësim negativ për sistemin shëndetësor, në një vlerësim pozitiv. Përsa i përket papunësisë, të dhënat tregojnë se vendi ynë ka nivelin më të ulët në rajon. Por ka fusha ku vendi ka ende punë për të bërë.
Ndër to, drejtësia dhe ekonopmia e tregut. Besimi te drejtësia, në Shqipëri është më i ulëti në rajon. Një tjetër problem është kapaciteti i ekonomisë shqiptare për t’u përballur me konkurrencën evropiane. Por 87% e shqiptarëve janë të bindur se anëtarësimi në BE, do të ndryshonte pozitivisht të ardhmen e vendit. Shqiptarët vijojnë të kenë jetëgjatësinë më të lartë në rajon, me një mesatare në lindje prej 78 vitesh, ndërsa vendi me jetëgjatësinë më të ulët është Kosova me 72./L.f-dritare.net