E rëndë në Tiranë/ Vdes 29-vjeçari me Covid pasi hidhet nga kati i 3 i spitalit
E Enjte 13 Gusht 2020, 08:08
Dritare.net
Një ngjarje e rëndë është shënuar në orët e para të mëngjesit të sotëm në Spitalin Shefqet Ndroqi, spital ky i kthyer në spital Covid.
Policia njofton se një 29-vjeçar është hedhur nga kati i tretë ku edhe ka ndërruar jetë menjëherë.
Ende nuk dihen shkaqet që e kanë shtyrë të riun të ndërmarrë këtë hap ekstrem, por ai ka qenë me koronavirus, pasi ndodhej në spitalin ku trajtohen vetëm personat me Covid.
Njoftimi i Policisë:
Më datë 13.08.2020, rreth orës 04:30 të mëngjesit, dyshohet se është vetëhedhur nga kati i 3 i një spitali shtetasi XH.K., 29 vjeç, e për pasojë ka ndërruar jetë.
Grupi hetimor dhe shërbimet e Policisë ndodhen në vendngjarje dhe vijojnë punën për zbardhjen e plotë të rrethanave të ngjarjes./ I.M-Dritare.net