E jashtëzakonshme! 101-vjeçari me Alzhaimer, luan piano!
E Hënë 18 Shtator 2023, 10:10
Dritare.net
Antonio Cadenas është një muzikant spanjoll që mbushi 101 vjeç në maj 2021. Ai ka lindur në Terque, Spanjë në vitin 1919. Historia dhe përvoja e Cadenas me muzikën është unike dhe absolutisht befasuese.
Ai është mishërimi i shprehjes së njohur “Mosha është vetëm një numër.” I moshuari vuan edhe nga sëmundja e Alzheimerit.
Edhe pse kujtesa zbehet me sëmundjen e Alzheimerit, në disa raste, kujtesa muzikore jo.
Cadenas i ka ende të freskëta në memorien e tij muzikën dhe akoma luan miajo. Cadenas luan jashtëzakonisht mirë në piano, gjë që dëshmohet në interpretimin e tij të Lagrimas y sonrisas, nga Juan D'Arienzo.
Lagrimas y sonrisas është një këngë që u publikua fillimisht nga D'Arienzo në vitin 1936. Titulli përkthehet Lot dhe Buzëqeshje
Cadenas tani jeton me djalin e tij dhe familjen dhe kujdeset për të. Ai ulet në një dhomë, pranë të birit dhe përballë pianos. Djali i tij i thotë të luajë piano. Pas nxitjes së tij fillestare, ai e luan këngën pa mundim në piano pa asnjë vështirësi. Në fund të performancës së tij, djali i tij buzëqesh dhe duartrokit performancën e tij.
Mësimet e pianos i mori për herë të parë nga nëna e tij dhe priftërinjtë vendas nga një katedrale aty pranë kur ai ishte fëmijë. Kur ishte në ushtri midis 1942 dhe 1946, Cadenas bëri një pushim nga muzika. Pasioni i Cadenas për muzikën u kthye pasi shërbeu në ushtri dhe ai punoi si edukator deri në kur doli në pëension në vitet 1980.
Talenti muzikor i Cadenas është një testament për ata muzikantë që vazhdojnë të luajnë pavarësisht nga vështirësitë e jetës së përditshme dhe ende performojnë muzikë të bukur për kënaqësinë e të gjithëve. Muzika mund të jetë një shërues si për interpretuesit ashtu edhe për dëgjuesit dhe këmbëngulja dhe talenti i qartë i Cadenas është dëshmi e kësaj. /L.F-dritare.net
