“Defender 2021”/ Veliaj me ambasadoren Kim: Krah për krah në kohë të mira dhe të këqija
E Martë 4 Maj 2021, 17:05
Dritare.net
Kryebashkiaku i Tiranës Erion Veliaj foli për nisjen e stërvitjes ushtarake “Defender 2021”. Veliaj postoi në Twitter një foto me ambasadoren amerikane Yuri Kim ndërsa shkroi se Defender 21 është një rast unik për të promovuar aleancën e Shqipërisë me SHBA-në dhe NATO-n.
“Defender Europe 21 nisi sot stërvitjen në Shqipëri. Është një rast unik për të promovuar aleancën tonë me SHBA-në dhe Nato-n, si dhe forcuar më tej angazhimin tonë të ndërsjellë për të qëndruar besnikërisht krah njëri-tjetrit në kohë të mira dhe të vështira. Faleminderit ambasadores amerikane për mikpritjen e mrekullueshme!”,- shkruan Veliaj./K.C/dritare.net
