Bum shitjesh për fanellën e re të Milanit!
E Shtunë 1 Gusht 2020, 15:03
Dritare.net
Të martën Milan zbuloi uniformat kuqezi për sezonin e ardhshëm. Dizanji i tyre është rezultat i frymëzimit nga historia arkitekturore e qytetit të Milanos .
Fanella e re ka marrë komplimente të shumta nga tifozët në rrjetet sociale dhe kjo është konfirmuar nga bumi i shitjeve vetëm për tri ditë.
Ky fluks sigurisht që lidhet edhe me lojtarin suedez, Zlatan Ibrahimoviç. Sulmuesi ishte njëri prej imazheve të prezantimit të bluzës së re kuqezi, duke dhënë një sinjal se do të qëndrojë tek Milan edhe për një sezon tjetër.
Por padyshim që ky bum shitjesh është ndikuar edhe nga rezultatet fantastike që skuadra e Stefano Piolit ka arritur pas rikthimit./ R.P-Dritare.net
