Bulqizë/ Prindërit të shqetësuar për fëmijët: S’ka transport për në shkollë, kemi frikë nga kafshët e egra
E Martë 20 Tetor 2020, 22:10
Dritare.net
Disa prindër në fshatin Çerenec të Sipërm, në Bulqizë janë mbledhur sot në shenjë proteste. Prindërit e 12 nxënësve kanë kërkuar transport për në shkollë për fëmijët.
Fëmijët detyrohen të çohen çdo ditë në orën 5 të mëngjesit, pasi duhet të ecin edhe 30 minuta në këmbë për të shkuar deri te furgoni që i merr në një lagje tjetër.
Duke shprehur shqetësimin se tani në dimër do të ketë kafshë të egra dhe frika për fëmijët është e madhe, prindërit thonë se, nëse nuk u sigurohet transporti nuk do t’i çojnë fare në shkollë./K.C/dritare.net
