Besonte se fliste me Dua Lipën, historia e italianit që ra pre e mashtrimit në rrjetet sociale dhe humbi mijëra euro!
E Premte 12 Prill 2024, 09:09
Dritare.net
Gianfranco Bonzi, i njohur si Franco, u zhduk nga Milano më 23 mars, për shkak të një zhgënjimi në dashuri. Një grua që prezantohet si këngëtarja e njohur Dua Lipa, natyrisht me një profil të rremë filloi të komunikojë me Francon verën e kaluar, duke i dërguar foto vazhdimisht. Të dy ishin njohur verën e kaluar, ku më vonë “Dua Lipa” i kishte kërkuar italianit 5 mijë euro dhe ai ia kishte nisur përmes transfertave bankare, ku më pas ka ndërprerë edhe komunikimin.
Sipas mediave italiane, Gianfranco ka besuar vërtet se ishte duke folur me këngëtaren Dua Lipa, ku pas zhgënjimit ka humbur edhe kontaktet me familjarët. Vëllai i tij, Michele ka nisur kërkimin për të, ndërsa miku i tij ka deklaruar se i riu i ka dërguar “Dua Lipës” 5 mijë euro, duke besuar se kishte gjetur dashurinë.
Kush ishte Gianfranco Bonzi?
Ai ishte venecian, me origjinë nga Chioggia, babai i tij ishte një Bersagliere, xhaxhai i tij ishte një lavdi sportive në qytet. Ai kishte hobi peshkimin. Ai ishte gjithashtu një fotograf i mirë. Pas vdekjes së prindërve humbi kontrollin, mbeti vetëm dhe kërkoi ngushëllim në internet. Ky muhabet kishte nisur që në verë, kjo grua i dërgonte foto dhe mesazhe. Herë pas here ajo zhdukej duke thënë se telefoni kishte pushuar së punuari (ndoshta ishte raportuar si fals), por ajo thoshte se e donte, ai u përpoq ta largonte, por ajo këmbënguli me çdo kusht, duke përfituar nga brishtësia e tij emocionale. Ata nuk e kishin parë kurrë njëri-tjetrin, sipas vëllait të saj, sepse ajo vazhdonte ta refuzonte takimin.
E kontaktuar nga korrespondentët e "Chi l'ha visto" , kjo "Dua Lipa" e u përgjigj se nuk e kishte parë Frankon. Ajo nuk i është përgjigjur video-telefonatës së gazetares por i ka shkruar me italisht se e dinte që Franko është Cagliari, duke i kërkuar menjëherë 50 euro. Franko nuk njeh askënd në Sardenjë dhe qëllimet e tij dukeshin krejtësisht të ndryshme. Para se të largohej nga shtëpia atë ditë, ai la një shënim ku shkruhej: "Askush nuk do të më shohë më pranë”./M.K-dritare.net
