Berisha: Rama dhe Basha, po hartojnë një tragjedi, për Shqipërinë!
E Enjte 24 Nëntor 2022, 12:12
Dritare.net
Sali Berisha braktisi Kuvendin ndërsa kryeministri Edi Rama mori fjalën, ndërsa në fjalën për gazetarët tha se çdo kandidat tjetër që del nga Enkelejd Alibeaj në zgjedhje, është kandidat i Edi Ramës. Në lidhje me projektin për portin e Durrësit, Rama vijoi akuzat duke thënë se është plan i klanit Rama-Basha.
“Ne e kemi përcaktuar Edi Ramën si armikun numër një të PD-së, si njeriun që kërkon të zhdukë opozitën dhe PD-në, por si njeriu që do marrë përgjigjen më ndëshkuese për këto veprime, pasi PD është në të drejtën morale dhe kushtetuese për të qenë opozitë e pavarur.
Ju e shihni sot, përfytyroni për një moment, kjo marrëveshje ishte për tragjedinë e Shqipërisë, marrëveshje opozitë-pozitë, por jo si formacione politike, por si persona hajdutë.
Klani Rama dhe klani Basha, kjo është e faktuar.
Ai që ishte, se ka njerëz që më thonë pse e thua, se e them për të vërtetën, se ai ishte administrator i Simfonisë, ishte administrator edhe i Ramës, edhe i Bashës.
Mos të kujtojë kush se po bëj akuzë politike, por po them të vërtetën e hidhur.
Ky njeri tha se dha dorëheqjen nga ndërmarrja e Bashës dhe jo nga Simfonia. Por pas një muaji rezultoi se ishte sërish te të dyja. Pra, kjo ishte pika e mjaltit.
Kjo do ishte e tmerrshme, opozita e blerë me marrëveshjen mafioze të Portit të Durrësit,” tha Berisha”, u shpreh Berisha sot jashtë Kuvendit. /L.F-dritare.net
