Berisha: Dhimitër Anagnosti, artist i rrallë
E Martë 2 Shtator 2025, 12:12
Dritare.net
Ish-kryeministri Sali Berisha sot në homazhet për Dhimitër Anagnostin,e vlerësoi regjisorin e madh shqiptar si një “kolos të gjenisë krijuese artistike”, duke theksuar rolin e tij të veçantë jo vetëm në kinematografi, por edhe në jetën politike të vendit.
"Sot është një ditë e rëndë, ditë zie për artin, filmin, kulturën e shqiptarëve, pasi përcjellin për në banesën e fundit një kolos të vërtetë të gjenisë krijuese artistike të kombit shqiptar. Dhimitër Anagnosti ishte dhe është njëri prej krijuesve, regjisorëve, skenaristëve, shkrimtar më të shquar të vendit.
Lë një trashëgimi në të cilën ai do të jetojë për jetë të jetëve.
Anagnosti ishte i pamëshirë në kërkim të përsosmërisë artistike në veprën e tij.
Ai, që në vitet ’90 me emrin, reputacionin e tij, i angazhua në mbështetje të përmbysjes së diktaturës dhe forcave demokratike.
Në dy legjislatura ishte deputet i PD dhe ministër Kulture, një personalitet i rrallë, i cili do mbahet mend gjithmonë në memorien e kombit.
Ndaj, dhe njëherë unë shpreh ngushëllimet e mia më të ndjera Rozës, artistes së mrekullueshme, familjes së tij, miqve, shokëve dhe të gjithë atyre që ndjejnë dhimbje për largimin e tij nga jeta", tha Berisha./L.F-dritare.net
