Irani ka akuzuar SHBA-në për mashtrim pasi Sekretari i Shtetit, Mike Pompeo tha se Teherani ishte pas sulmeve me drone të dy objekteve të naftës në Arabinë Saudite.
Pompeo kishte hedhur poshtë pretendimet e rebelëve Houthi të mbështetur nga Irani dhe Jemeni se ata kishin kryer sulmet, shkruan dritare.net
Ministri i Jashtëm i Iranit, Javad Zarif tha se fajësimi i Iranit nuk do t’i japë fund katastrofës në Jemen.
Arabia Saudite tha se sulmet e së shtunës kishin përgjysmuar prodhimin e naftës së papërpunuar në 5.7 milionë fuçi në ditë. Të gjithë sytë do të jenë te tregjet kur të rihapen të hënën, me ekspertët që presin një rritje të konsiderueshme të çmimit./K.C/dritare.net
