Reshje shiu dhe breshër, parashikimi i motit për orët e ardhshme!
E Enjte 28 Shtator 2023, 13:01
Dritare.net
Moti për orët në vijim pritet të ndikohet nga kushte atmosferike relativisht të paqëndrueshme për shkak të depërtimit të masave ajrore të lagështa me origjinë juglindore.
Sipas parashikimit nga SHMU, priten kthjellime si dhe alternime vranësirash deri të dendura. Në orët e mesditës dhe pasdites vranësirat do të shoqërohen me reshje shiu të herëpashershme me intensitet të ulët në një pjesë të madhe të vendit. Në relievet malore në lindje reshjet me intensitet deri mesatar në formën e shtrëngatave apo rrebesheve shoqëruar me breshër dhe shkarkesa elektrike.
Era do të fryjë me drejtim verilindje - veriperëndim me shpejtësi mesatare 1-8m/s duke bërë që valëzimi në dete të jetë i forcës 1-2 ballë.
Temperaturat parashikohen:
· në zonat malore 12 deri 25°C
· në zonat e ulëta 13 deri 29°C
· në zonat bregdetare 16 deri 28°C./M.K-dritare.net
