Do të bëni plazh, apo do të rrini në shtëpi? Ja si parashikohet moti për këtë javë!
E Diel 16 Gusht 2020, 22:10
Dritare.net
Këto ditë na ka shoqëruar moti i nxehtë. Edhe javë që vjen vendi do të dominohet nga i nxehti, por nuk do të mungojnë as vranësirat kalimtare.
Në këtë mënyrë dita e hënë do të nisë me mot të kthjellët e prej orëve të mesditës deri ato të pasdites në relievet kodrinore-malore pritet të ketë reshje shiu në formën e shtrëngatave apo stuhive afatshkurtra. Relativisht të njëjtat kushte atmosferike do të ketë edhe dita e martë, por reshjet e shiut do të jenë kryesisht në formë pikash në relievet e larta malore. Dita e mërkurë nis kthjellët, por pas orëve të mesditës nisin alternimet e vranësirave të cilat do të shoqërohen me reshje shiu të dobëta të herëpashershme në zonën e qendrës dhe atë të veriut. Edhe dita e enjte nis me mot me alternime kthjellimesh dhe vranësirash të cilat do të shoqërohen me reshje shiu të dobëta dhe lokale në një pjesë të madhe të vendit deri në orët e pasdites më pas përsëri mot i kthjellët. Java mbyllet me ditën e premte me mot të kthjellët në të gjithë territorin./K.C/dritare.net
