Uau! Fustani i jashtëzakonshëm i Chiara Ferragnit në Sanremo
E Martë 7 Shkurt 2023, 22:10
Dritare.net
Chiara Ferragni prezanton këtë vit Sanremon. Ajo që tërhoqi vëmendjen më të madhe në këtë natë të parë, ishte fustani i saj, me një mesazh për vajzat dhe gratë!
“Kur filluam të mendonim për veshjet për dy mbrëmjet e Sanremo, kuptuam se nuk donim veshje vetëm sepse ishin të çuditshme apo të bukura. Mbi të gjitha ne ndjemë nevojën për të sjellë një mesazh social në skenën më të njohur në Itali, edhe përmes modës. Veshja që nis edicionin e 73-të të Festivalit të Sanremos është rezultat i një bashkëpunimi të gjerë, me sloganin Mendo i Lirë, të qëndisur mbi të.
Fjalët e thjeshta por të forta vijnë nga një vepër e Claire Fontaine që shpresojmë se do t'i frymëzojë të gjitha gratë të ndjehen të lira të dalin nga roli që shoqëria u ka imponuar. Mendo e lirë, i dedikohet të gjitha vajzave dhe grave që thjesht duan të ndihen vetvetja pa u gjykuar”, shkruan Ferragni në rrjetet sociale./L.F-dritare.net
