Rikthehen në modë fustanet e thurura/ Modelet që do të bëjnë namin këtë dimër!
E Martë 20 Tetor 2020, 19:07
Dritare.net
Vjeshta ka sjellë prurje të mëdha veshjesh. Stilistët më të famshëm duket se këtë vjeshtë e dimër janë frymëzuar nga veshjet e thurura. Fustanet e punuara me shtiza dhe me grep do të bëjnë namin këtë dimër.
Dhe ky trend është përqafuar menjëherë, sidomos nga të famshmit. Aktorja me famë botërore, Sarah Jessica Parker është shfaqur së fundmi me një fustan të thurur të gjatë, me ngjyrë vjollcë. Fustanin ajo e kishte kombinuar me një palë taka ngjyrë rozë.
Aktorja dhe dizajnerja e shfaqi versionin e thurur ndërsa ishte në Nju-Jork, duke treguar se ky trend është edhe për vjeshtë, edhe për dimër.
Duke marrë shkas nga fustani i mrekullueshëm që kishte veshur Sara, dritare.net vendosi të sjellë për ju veshjet e thurura që do të bëjnë namin këtë dimër./K.C/dritare.net
