Dizajneri revolucionar japonez i modës Issey Miyake ndërroi jetë në moshën 84-vjeçare. Lajmin e bëri me dije kompania e tij.
I njohur për stilet dhe parfumet e tij inovative, Miyake ndërtoi një markë globale të modës. Miyake ishte i njohur për punën me teknikat tradicionale dhe moderne të modës gjatë karrierës së tij të gjatë.
Ai vdiq nga kanceri në mëlçi. I lindur në Hiroshima në vitin 1938, Miyake ishte vetëm shtatë vjeç kur qyteti u shkatërrua nga një bombë atomike e hedhur nga Shtetet e Bashkuara. Nëna e tij vdiq nga ekspozimi ndaj rrezatimit tre vjet më vonë.
"Kur mbyll sytë, unë ende shoh gjëra që askush nuk duhet t'i përjetojë kurrë," shkroi ai në një artikull opinion në Neë York Times në 2009 - duke shtuar se ai preferon të mendojë për gjëra që mund të krijohen, jo të shkatërrohen dhe që sjellin bukurinë dhe gëzimin.
Thuhet se Miyake donte të bëhej balerin ose atlet kur ishte i ri, por kjo ndryshoi pasi ai lexoi revistat e modës së motrës së tij.
Ai studioi dizajn grafik në një universitet arti në Tokio dhe më pas u transferua në Paris në vitet 1960, ku punoi me stilistët e lavdëruar të modës Guy Laroche dhe Hubert de Givenchy.
Ai u transferua në Nju Jork për një kohë të shkurtër, përpara se të kthehej në Tokio në vitin 1970 për të hapur Miyake Design Studio.
Miyake u bë i njohur për krijimin e një stili që ishte i teknologjisë së lartë, por praktik. Ai ishte një emër i njohur jo vetëm në industrinë e modës japoneze, por edhe në pasarelat globale.
Shtëpia e tij e modës zhvilloi rroba shumë të kërkuara për burra dhe gra, si dhe çanta, orë dhe parfume, një shishe L'Eau d'Issey, e lançuar në vitin 1992, u përfol se shitej çdo 14 sekonda./L.F-dritare.net
