Slogani më i ri i botës së kinemasë: Ndrysho vështrimin, jo gruan!
E Premte 9 Korrik 2021, 17:05
Dritare.net
Në tapetin e kuq në Kanë kaluan me dhjetëra emra të rëndësishëm të botës së kinemasë. Secila prej vajzave dhe zonjave tërhoqi vëmendjen me stilin e saj. Bella Hadid me super veshjen bardhë e zi, diva Isabelle Huppert me syzet e saj, ndërsa Andie MacDowell me natyralitetin.
Sot 63 vjeç, edhe pse e vështirë për t’u besuar, ajo ka vendosur të mos i lyejë më flokët , por t’i mbajë ashtu gri natyrale.
Një vendim që erdhi në kohën e pandemisë, kur gjithçka ishte e mbyllur. Koha që solli revolucione personale.
Përveç flokëve gri, Andie MacDowwell në tapetin e kuq ishte ndër të paktat që tregoi rrudhat jo botoksin. Një imazh sa natyral aq edhe i pazakontë për një divë të Hollivudit në të gjashtëdhjetat e saj./L.F-dritare.net
