Si ta përballoni ankthin e punës. Këshilla nga psikologia!
E Hënë 6 Maj 2024, 12:12
Dritare.net
Përshëndetje Psikologe Enertila
Unë që ju shkruaj jam një zonjë e cila nuk po ndihem mirë sa herë që shkoj në punë. Kam ankth kur shkoj në punë më duket. Kam nevojë për një këshillë!
Psikologia Enertila Bekteshi, përgjigjet!
Përshendetje lexues të Dritare.net
Kur krijohet një gjendje e papërshtatshme në punë ,apo kur fillon ankthi i punës përfundon duke pasur një ndikim të fortë si në nivelin personal ashtu edhe në atë profesional. Kur e përjetojnë atë, njerëzit mund të marrin vendime impulsive ose negative. Githashtu ankthi i punës mund t'ju bëjë të izoloheni nga njerëzit që kanë vërtet rëndësi në jetë. Arsyeja është se nuk jeni në humorin e duhur ose nuk ndiheni energjikë sepse keni qenë shumë të tensionuar gjatë ditës së punës. Njerëzit që vuajnë nga ankthi i punës priren të kalojnë shumë kohë duke u shqetësuar për çështjet që lidhen me karrierën. Shumë probleme në punë ose shumë stres mund të ndikojnë në ritmin e gjumit, deri në atë pikë sa të shkaktojnë pagjumësi.
Ankthi i punës e dashur lexuesja jonë mund të lindë nga një sërë çështjesh të ndryshme. Siç janë marrëdhëniet konfliktuale në punë me kolegët ose shefin ,puna shumë jashtë orarit ,ngarkesa shumë e lartë ,duke u paguar shumë pak. Nëse jetoni me ankthin e punës, do të përfundoni duke përjetuar efekte në aspekte të ndryshme të jetës suaj. Disa nga më të zakonshmet janë se do të përfundoni duke pasur një marrëdhënie të keqe me kolegët ose eprorët.
Do të vuani pasoja në jetën tuaj personale për shkak të ankthit të punës. Stresi i punës zhvillon probleme të përqendrimit, të tilla si lodhja, nervozizmi ose reduktimi i produktivitetit. Do të vuani mungesën e besimit në aftësitë e dikujt, mungesën e kuptimit në punën tuaj. Prandaj, ankthi i punës ju dëmton. Në këndvështrimin tim e dashur lexuesja jonë për të menaxhuar ankthin e punës do tu sugjeroja që të sigurohuni që të keni kohë për veten tuaj . Kur përballeni me simptoma ankthi ose stresi që vijnë nga puna, një nga hapat e parë që duhet të ndërmerrni është të përpiqeni të keni më shumë kohë për veten dhe jashtë atij mjedisi.
E dashur lexuesja jonë. Bëni më shumë pushime. Pushimet e vogla në ditën tuaj të punës jo vetëm që do t'ju ndihmojnë të jeni më produktivë, por gjithashtu do t'ju lejojnë të përballeni më mirë me stresin dhe ankthin që mund të përjetoni në vendin e punës. Mbani një mënyrë jetese të shëndetshme. Duke u ushtruar më rregullisht dhe duke ngrënë më shëndetshëm, do të jeni më në gjendje të përballoni ankthin e punës.
Lexuesja jonë ndryshoni mjedisin. Nëse mund të lëvizni ose ndryshoni vendin tuaj të punës, kjo do t'ju ndihmojë të keni një këndvështrim tjetër për karrierën tuaj. Përqendrohu në pozitivitet, kur përballeni me këto ndjenja, është e rëndësishme të ruani një këndvështrim pozitiv dhe mbi të gjitha të reflektoni për aspektet pozitive të punës dhe jetës. E dashur lexuesja jonë përpiquni të gjeni alternativa për t'u përballur me situatat që ju shkaktojnë stres ose ankth, të tilla si biseda me sektorin e burimeve njerëzore apo edhe ndryshimi i punës. Të gjithë, në një moment ose në një tjetër, mund të përjetojnë ankth në punë, por kur këto ndjenja janë të vazhdueshme, ato duhet të adresohen menjëherë. Prandaj është e këshillueshme që të konsultoheni me një specialist të shëndetit mendor. Mos lejoni që vendi juaj i punës të bëhet një ferr i gjallë që ju pengon të arrini potencialin tuaj të plotë si profesionalisht ashtu edhe personalisht. Shpresoj shumë që këndvështrimi im tu ndihmojë sadopak./dritare.net
