Lufta ime me veten dhe frikën e dështimit. Këshilla e psikologes për të renë
E Hënë 8 Shtator 2025, 13:01
Dritare.net
Përshëndetje Dritare.net dhe Psikologe Enertila
Unë që ju shkruaj jam një vajzë që e mundoj shumë veten time duke parë se dështoj vazhdimisht. Mendoj se në cdo hap gaboj dhe dështoj, nuk arij ta kuptoj dhe drejtoj këtë gjendje që kam. Ju lutem më thoni dicka. Ju faleminderit!
Psikologe Enertila Bekteshi, përgjigjet
Përshëndetje lexues të Dritare.net
Në jetën tonë të përditshme, shpesh mund të gjejmë veten duke dështuar në arritjen e qëllimeve të vogla që i kemi vënë vetes. Dështimi është një përvojë e zakonshme për të gjithë qeniet njerëzore, por mënyra se si e përjetojmë dhe e interpretojmë atë mund të ndryshojë shumë në varësi të rrethanave dhe karakteristikave personale . Kur përballesh me dështimin, është e zakonshme të përjetosh shumë emocione të pakëndshme.
Ata që e perceptojnë dështimin si një pjesë të natyrshme të punës së tyre kanë tendencë të vuajnë më pak emocionalisht. Ky nkëndvështrim mund të nxisë një qëndrim konstruktiv, duke transformuar një përvojë negative në nnjë mundësi mësimi. Në momentin kur dështimi shihet si rezultat i gabimeve ose nkeqmenaxhimit mund të gjenerojnë turp dhe frustrim, duke çuar në rënie të mëtejshme të vetëvlerësimit dhe vështirësi në marrëdhëniet ndërpersonale . Mënyra se si perceptohet dhe përjetohet dështimi ndikon fuqimisht . E dashur lexuesja jonë përballimi i dështimit kërkon
vetëdije të thellë emocionale.
Të qenit i vetëdijshëm mund të bëjë një ndryshim në mënyrën se si e interpretojmë, përballojmë dhe kapërcejmë dështimin. Pranimi i emocioneve negative për t'u riangazhuar ndaj qëllimeve të reja dhe kuptimplote është thelbësore për mirëqenien psikologjike. Pranimi i emocioneve negative na lejon të mos i shmangim ose shtypim ato, por t'i njohim, menaxhojmë dhe transformojmë ato për ndryshim. Kapërcimi i dështimit mund të sjell një perspektive të re mbi jetën, gjetjen e forcës për t'u ngritur dhe për të provuar përsëri. Në këndvështrimin tim e dashur lexuesja jonë për të kapërcyer mendimet tuaja ndaj dështimit do t’ju sugjeroja të kërkonit mbështetje sociale. Ndarja e ndjenjave tuaja me njerëz të besuar, siç janë miqtë dhe familja, është thelbësore për të zvogëluar ndjenjat e izolimit dhe për të marrë mbështetje emocionale.
Të folurit hapur për dështimin tuaj ju lejon ta shikoni atë në perspektivë dhe të shihni aspekte pozitive që mund të mos jenë të dukshme. E dashur lexuesja jonë mbajtja nmend e sukseseve të kaluara madje edhe atyre më të vogla , ju ndihmon të rifitoni besimin në aftësitë tuaja. Vendosja e qëllime realiste dhe krijimi i qëllimeve të arritshme ndihmon në
ruajtjen e motivimit dhe shmangien e ndjenjave të frustrimit. Lexuesja jonë pranimi i emocioneve tuaja negative dhe mospërpjekja për t'i shtypur ato është një hap thelbësor në nrikuperimin nga dështimi. Kur i lejoni këto emocione të shfaqen pa u përpjekur t'i kontrolloni ose nt'i shmangni ato, krijoni hapësirën për një përshtatje më të shëndetshme psikologjike, e cila mund ntë çojë në mirëqenie më të madhe.
Aftësia jonë për t’u përballur dhe interpretuar dështimin, në vend që ta shmangim atë, përcakton jo vetëm rritjen tonë personale, por edhe mirëqenien tonë të npërgjithshme. Në të vërtetë, nëpërmjet vetëdijes emocionale, qëndrueshmërisë dhe mbështetjes nsociale, ne mund t’i transformojmë dështimet në mundësi për të mësuar dhe përmirësuar. Shpresoj shumë që këndvështrimi im t’ju ndihmojë sadopak në gjendjen tuaj. Gjithë të mirat!
/dritare.net
