Letër psikologes/ Si t'i rifitoj zemrën ish të dashurës!
E Hënë 7 Shtator 2020, 09:09
Dritare.net
Përshëndetje Psikologe Enertila.
Jam një djalë 26-vjeç nga qyteti i Fierit. Para 2 vjetësh kam qenë i lidhur me një vajzë dy vite më të vogël se unë. Jemi ndarë kot atëherë. E pata shumë të vështirë ta harroja, mirëpo kemi disa muaj që kemi filluar të komunikojmë sërish. Ajo këto kohë nuk ka pasur dikë tjetër, unë dua ta kem serish, dua të jemi bashkë përsëri. Nga t’ia filloj të lutem se më duket sikur do ta humbas sërish? Faleminderit.
Psikologia Enertila Bekteshi, përgjigjet:
Përshëndetje dhe ju falënderoj për pyetjen tuaj.
Të fitosh përsëri ish-in tuaj, sigurisht që ti në fillim duhet të analizosh mirë situatën dhe mbi të gjitha të shmangësh gabimet. Qëllimi juaj është të vendosni themelet për kthimin e saj, të gjeni formën tuaj më të mirë psiko-fizike dhe të keni sukses në periudhën më të keqe të jetës suaj, besoni në veten tuaj duke lënë të largohen frikërat tuaja dhe të jeni të sigurt se do të arrini qëllimin tuaj. Ndaloni të veproni jashtë logjikës, nuk do të jenë gjestet tuaja racionale ose të drejtuara nga frika që do ta bëjnë atë të kthehet. Për ta fituar atë përsëri duhet të ndjeheni mirë me veten tuaj, mundohuni të arrini të rindizni interesin e saj. Ju duhet të filloni të merrni kohën tuaj dhe të prisni çdo kontakt prej saj për të rritur shanset. Mund të provoni gjithashtu ta ftoni atë në darkë, mbase edhe me disa miq në mënyrë që të mos e bëni atë të ndihet e pakëndshme dhe më pas vetëm. Sigurisht, gjatë takimeve me të, ju absolutisht nuk duhet të bëni: për shembull, kurrë mos flisni keq për të, gjithashtu shmangni skenat e xhelozisë ,mundohu të rigjesh besimin e saj. Sigurisht, nuk mund të garantoj që gjithçka do të shkojë mirë, suksesi i kësaj varet vetëm nga ju, nga mënyra sesi do t'i zbatoni këto këshilla në praktikë dhe gjendjen tuaj mendore. Kjo e fundit, nëse është pozitive, do t'ju ndihmojë të keni qëndrimin e duhur dhe të merrni atë që dëshironi. Përkundrazi, lënia me mendime negative që peshon mbi supet tuaja nuk do t'ju ndihmojë. Duke thënë këtë, të uroj shumë fat .Ju falënderoj edhe njëherë për pyetjen tuaj ditë të mbarë./dritare.net
