Letër psikologes/ Po krijoj varësi ndaj alkoolit, çfarë të bëj?

Përshëndetje, Dritare.net!

Përgëzime për të gjitha hapësirat që na krijoni! Kam nevojë për psikolog. Jam 28 vjeç dhe kam filluar të pi alkool më tepër se zakonisht. Nuk dua të krijoj varësi dhe po mundohem edhe vetë për t'u shkëputur. Çfarë më sugjeroni të bëj? Pres një opinion tuaj. Faleminderit!

Përgjigjet psikologia:

Përshëndetje dhe ju falënderoj që na jeni drejtuar!

Përgëzime për atë që keni vendosur dhe mendoni të bëni. Nuk është një rrugë e lehtë, por me motivimin e duhur mund t’ia dilni dhe të ktheheni sërish për të buzëqeshur në jetë. Dëmi i alkoolit në trup është shumë i madh, dhe kur abuzohet në doza të mëdha, pirja nuk është më kënaqësi, por një ves. Ne jemi gjithashtu të udhëhequr për të justifikuar veprimet nën efektin e alkoolit apo arsyen e përdorimit të tij. Pirësi ndihet i zbrazur nga çdo përgjegjësi materiale ose morale dhe mund të vazhdojë të pijë sepse, në fund të fundit, asgjë serioze nuk i ndodh.

Dëmet që sjell përdorimi i alkoolit nuk duhen harruar .

· pirësit e shpeshtë rrezikojnë shumë më tepër se të tjerët nga kontraktimi i sëmundjeve kardiovaskulare ose tumoreve

· ata që pinë shpesh e kanë të vështirë të flenë, zgjohen në mes të natës me një gojë të thatë dhe dhimbje koke.

· pirja e shumtë mund të çojë në probleme të kujtesës për shkak të një tkurrjeje të trurit.

· alkooli dehidraton lëkurën

· alkooli pengon pjellorinë dhe përdoruesit e kanë të vështirë për tu bërë nënë ose baba.

Alkooli jo vetëm që ju dëmton ju , por edhe ata përreth jush, braktisja e pirjes nuk është aspak e thjeshtë dhe mbi të gjitha nuk bëhet brenda natës. Unë mendoj si të dobishme disa këshilla për t'i zbatuar për të qëndruar larg alkoolit .

· Nëse e dini që do të shkoni në bar përpiquni të bëni një angazhim që do të shmangë këtë sjellje. Shkoni në palestër! Lëvizja fizike ndihmon për të shpërqendruar dhe relaksuar mendjen.

· merrni paratë që do të kishit shpenzuar për alkool dhe vendosni diku. Do të çuditeni kur të shihni se sa para që keni arritur të kurseni, thjesht duke eliminuar një zakon të dëmshëm.

· Zgjidhni një datë të rëndësishme për të ndaluar pirjen , në mënyrë që duke e shoqëruar atë me gjëra më pozitive, ju do të rritni forcën e vullnetit tuaj dhe do t'ju ndihmojnë në rrugën tuaj.

· Frika mund të jetë një pengesë dhe ju duhet ta përdorni atë në avantazhin tuaj për të kuptuar se është mirë të ndalohet pirja.

· Shumë shpejt duhet të kuptoni që alkooli dominon në jetën tuaj, por mund të ndalojë nëse jeni ai që e parandalon atë.

· Merrni kohën për t'u informuar dhe për të lexuar artikuj dhe studime.

· Mundohuni të mendoni se kush dhe çfarë është më e rëndësishmja për ju. Imagjinoni sesi alkooli do ta shkatërronte atë.

Kërkoni ndihmën e një psikologu apo mjeku toksikolog, dhe mbi të gjitha ndaloni sa më shpejt të pini. Unë mendoj se komunikimi ynë qëndron në nivele shumë të thjeshta, ajo që ju duhet me nivel maksimal është vendosmeria juaj. Ndaj ju përgëzoj edhe njëherë për synimin tuaj. Suksese!/Dritare.net

Enertila Bekteshi, Psikologe Klinike

Nëse doni të ndani pyetje, këshilla apo dhe rrëfime, ju lutem shkruani në: [email protected]