E reja i shkruan psikologes: Më shpëto! Po bëhem anoreksike nga stresi
E Hënë 24 Tetor 2022, 11:11
Dritare.net
Përshëndetje Psikologe Enertila!
Kam pak kohë që kam filluar të humbas oreksin, ndoshta nga shqetësimet e ditës që kaloj. Thonë se ankthi dhe stresi ndikon e ndaj unë doja një opinionin tuaj si fillim të gjendjes time. Ju falënderoj e suksese!
Psikologe Enertila Bekteshi, përgjigjet!
Përshëndetje lexues të Dritare.net!
Një nga përgjigjet fizike të trupit tonë ndaj stresit është mungesa e oreksit. Kur stresi është shkaku i humbjes së oreksit, shpesh shfaqen simptoma të tjera fizike që lidhen me këtë çrregullim, si të përziera apo marrje mendsh.
Nëse e keni humbur oreksin për disa ditë, për shkak të një problemi emocional ose fizik është krejtësisht normale të përjetoni luhatje me oreksin .
Çrregullimi i ankthit është një element që ndikon te mungesa e oreksit për ushqim. Është e rëndësishme të kuptoni arsyen për këtë në mënyrë që të përballeni menjëherë me problemin.
Për të trajtuar këtë problem varet kryesisht nga shkaku. Megjithatë, unë mendoj të përmirësoni cilësinë e gjumit. Mënyra se si pushojmë ndikon jo vetëm në oreksin tonë , por edhe në mënyrën se si e përballojmë ditën tonë dhe stresin e perceptuar. Prandaj, nëse se mungesa e oreksit tuaj është e lidhur me një çrregullim psikologjik, është e rëndësishme të merrni parasysh orarin tuaj të gjumit dhe të përpiqeni të përmirësoni pushimin e natës. Dieta gjithashtu mund të ndikojë në oreksin.
Kur oreksi është i ulët, është mirë të zgjidhni ushqime më të shëndetshme që zgjojnë urinë. Kujdesit për veten duke kaluar kohë me veten tuaj në mënyrë që të menaxhoni më mirë ankthin, stresin ose ndjenjat tuaja negative të cilat mund të ndikojnë në humbjen e oreksit. Bëni ushtrime fizike .Ushtrimet përveçse ju ndihmojnë të përballoni ndjenjat negative që mund të sjellin disa çrregullime psikologjike, ju bëjnë edhe më të uritur. Do të ishte shumë mirë nëse kontaktoni me një dietolog. Një dietolog do t'ju japë gjithashtu disa udhëzime se si të shijoni përsëri ushqimin,por nëse mendoni se nuk jeni në gjendje të përballeni me një situatë për shkak të një problemi psikologjik, është thelbësore të konsultoheni me një terapist profesionist. Dëshiroj shumë tu kem ndihmuar sadopak me këndvështrimin tim. Gjithë të mirat!/dritare.net
