A jep ankthi dhimbje koke? Ja si përgjigjet psikologia Enertila Bekteshi!
E Hënë 27 Janar 2025, 13:01
Dritare.net
Përshëndetje Psikologe Enertila. Unë që po ju shkruaj jam një zonjë 35 vjeç që shqetësohem shpesh nga dhimbja e kokës. Kam bërë konsulta mjekësore dhe më thonë se e ke nga ankthi këtë gjendje. A mund të jetë vërtet një dhimbje koke për shkak të një çrregullimi ankthi? Ju faleminderit.
Psikologe Enertila Bekteshi, përgjigjet!
Përshëndetje lexues të Dritare.net
Dhimbjet e kokës dhe ankthi mund të jenë të lidhura. Kjo për shkak se ankthi mund të shkaktojë shqetësim të tepruar, si dhe nervozizëm dhe shqetësim, simptomat mund të
ndikojnë në shfaqjen e një dhimbjeje koke. Ankthi është i lidhur me mendimet toksike, obsesive dhe shqetësimet e tepërta. Por ky çrregullim mund të shkaktojë edhe simptoma fizike si dhimbje barku, lodhje dhe frymemarrje të pakët. Përveç të gjitha këtyre simptomave, ankthi mund të shkaktojë edhe dhimbje koke.
Dhimbja e kokës mund të ndikojë në cilësinë e jetës. Dhimbja e kokës nga ankthi mund të jetë nga situata stresuese, prandaj dhimbja mund të jetë një përgjigje fizike ndaj shqetësimit emocional që po përjetoni. Shumë njerëz me ankth kanë vështirësi për të fjetur siç duhet. Për këtë arsye, mungesa e gjumit mund të shkaktojë ndjesi shpimi në kokë.Tensioni i muskujve
është i lidhur ngushtë me ankthin.
Në fakt, kur ndiheni të shqetësuar, trupi juaj përgjigjet duke u përgatitur për t'u përballur me rrezikun. Kjo do të thotë që muskujt tanë janë vazhdimisht të tensionuar, gjë që mund të kontribuojë në dhimbje koke me ankth dhe dhimbje muskulore.Për të menaxhuar dhimbjet e kokës nga ankthi, trajtimi ndryshon në varësi të shkaqeve dhe individit. Megjithatë, për të lehtësuar simptomat dhe dhimbjen, në këndvështrimin tim mund t'ju sugjeroj si fillim marrjen e një qetësuesi të zakonshëm për qetësim.
E dashur lexuesja jonë rregulloni ritmin e gjumit. Mungesa e gjumit mund të shkaktojë ndjesi të çuditshme në kokë ose tension. Prandaj, një zgjidhje e mirë është të përpiqeni të flini mirë duke përmirësuar zakonet tuaja të gjumit. Ushtrimet fizike ju ndihmojnë. Ushtrimi mund të jetë një mënyrë e shkëlqyer për të kontrolluar dhimbjet e kokës nga ankthi. Si rezultat, stërvitja e rregullt do t'ju ndihmojë të luftoni simptomat e ankthit dhe dhimbjet e lidhura me muskujt. E dashur lexuesja jonë hiqni dorë nga mendimet obsesive që mund të kontribuojnë në ankth. Ka shumë mënyra për ta arritur këtë, ju mund të realizoni një shëtitje zbathur ose të thjeshtë në
natyrë, duke luajtur ose shikuar një serial që ju pëlqen, duke kaluar kohë me kafshën
ose miqtë tuaj.
E dashur lexuesja jonë një terapi psikologjike është alternativa më e mirë për të lehtësuar simptomat e crregullim ankthit. Terapia me një psikolog profesionist mund të reduktojë tensionin dhe ankth dhimbje koke. Jeta është e paparashikueshme kështu që është e pamundur të shmangësh të gjitha situatat që mund të çojnë në një dhimbje koke ankthi. Megjithatë,shpresoj që këndvështrimi im t'ju ndihmojë sadopak në shqetësimin tuaj./dritare.net
