Video/ Ja si të përgatisni ushqimin më të preferuar të fëmijëve në shtëpi!
E Mërkurë 27 Nëntor 2024, 09:09
Dritare.net
Kotoleta pule si të KFC-së, nëse ju pëlqejnë tani mund ti bëni në shtëpi se janë super të thjeshta dhe dalin shumë të shijshme.
Përbërësit:
300 gr fileto pule
Për brumin:
· 1 vezë
· 4-5 lugë miell
· Gjysmë gote ujë
· piper i zi
· spec i kuq
· kripë
· miell për ti lyer
Përgatitja e brumit:
Në një enë hedhim vezën, miellin, kripën, piperin dhe specin e bluar. Shtojmë ujë dhe e përziejmë mirë deri sa të bëhet një brumë i lëngshëm si në video. Nuk duhet të jetë shume i hollë por as i trashë. Në një ene tjetër hedhim miell. Filetot i ndajmë në copa jo shumë të trasha, i kalojmë fillimisht të brumi e me pas në miell. I skuqim në një tigan me vaj të bollshëm. Pasi i skuqim i kalojmë në pecetë kuzhine. Nuk thithin vaj por gjithsesi unë i kaloj pak në pecetë kuzhine.
I shijojmë me salce rozë.
Përgatiteni në këtë mënyrë:
3 lugë majonez;
2 lugë ketchup;
Piper i zi;
Piper i kuq;
Uthull balsamike ose salcë soje;
Tabasko nëse e doni pak pikante./Marrë nga Instagrami i Eridaskitchen
View this post on Instagram
