Receta/ Qumështor nga Edlira, ëmbëlsira ideale e drekës dhe darkës!
E Martë 8 Dhjetor 2020, 10:10
Dritare.net
Edlira Ruzi ka ndarë me ndjekësit e dritare.net një ëmbëlsirë të thjeshtë që shumë prej nesh duan ta provojnë. Qumështori. Kjo ëmbëlsirë është idealja për ta konsumuar në drekë, ose në një darkë me familjen.
Ja receta!
Përbërësit:
1,5 litra qumësht
200 gr sheqer
120 gr semolina
30 gr niseshte
vanilje ose aromë portokalli, limoni
4 vezë
50 gr gjalpë
Përgatitja:
Qumështi dhe sheqeri vihen në zjarr deri sa të nxehen mire. Në një tas rrahim vezët me semolinen, niseshtenë dhe aromën që keni zgjedhur. Kur qumështi të jetë nxehur, hidhni pak nga pak në tasin e vezëve duke i trazuar vazhdimisht që të mos pritet veza. Pasi të keni hedhur 3-4 garuzhde qumësht te masa e vezëve, mundet që këtë mase ta derdhni të gjithën te qumështi i nxehtë në tenxhere. Në zjarr të ulet do vazhdoni ta trazoni deri sa masa të trashet e të bëhet krem si në video. Fikni zjarrin dhe shtoni sasinë e gjalpit te kremi. Këtë masë shtrojeni në një tavë dhe piqeni në furrë me 180 grade për rreth 50 minuta. Lëreni të ftohet mirë, për disa orë. Nëse nuk duroni dot, mund ta konsumoni edhe të vakët, shija do të jetë shumë e mirë, por qumështori nuk do të pritet bukur./dritare.net
