Receta e së shtunës nga Edlira, angjinare të mbushura!
E Shtunë 30 Maj 2020, 13:01
Dritare.net
Edlira ndau me ndjekësit e dritare.net një tjetër recetë të shijshme dhe të thjeshtë për t’u gatuar.
Angjinare të mbushura, gatimi që do t’ju bëjë të lëpini gishtat.
Ja receta!
Përbërësit:
Majdanoz dhe kopër
Qepë të njoma
Vaj ulliri
Lëng limoni
Oriz
Nenexhik
Piper i zi dhe i kuq pluhur.
Ujë.
Përgatitja!
Fillimisht grijmë majdanozin, kopërin dhe qepët e njoma. Në një enë shtojmë vajin e ullirit dhe pak lëng limoni dhe e trazojmë.
Vendosim tiganin në zjarr dhe shtojmë pak vaj ulliri, pastaj hedhim qepët e njoma dhe i skuqim vetëm pak.
I heqim nga zjarri qepët dhe i hedhim në një enë ku shtojmë erëzat, majdanozin e kopërin e grirë, nenexhikun, pak piper të zi dhe të kuq pluhur, dhe orizin me të cilin do të mbushim angjinaret.
Përbërjen që u formua e vendosim brenda angjinareve. Pasi i kemi mbushur mirë angjinaret, i vëmë në tenxheren ku do t’i gatuajmë dhe përsipër u hedhim salcën me vaj ulliri dhe limon. Shtojmë dhe pak kripë. Ndërsa i kemi vëmë në tenxhere, mes angjinareve vëmë bishtat e tyre që vala të mos i lëvizë ato. Në fund shtoni ujë deri në treçerekun e angjinareve. Lërini të zihen deri sa të jetë bërë orizi. Pastaj hiqini e vendosini në një pjatë. Ju bëftë mirë!/K.C/dritare.net
