Nëse keni dilema apo nuk dini se çfarë të përgatisni për mëngjes, dritare.net ju ka sjellë një recetë shumë të shijshme dhe të shëndetshme, të gatuar nga Edlira Ruzi, e cila vazhdimish ka sjellë receta për ju, gjatë këtyre ditëve në izolim.
Receta e mëngjesit është, “Vezët Popaj”, të cilat përgatiten me vezë spinaq dhe djathë.
Përbërësit:
-2 vezë
-gjethe spinaqi
-thërrime djathi
-pak vaj ulliri
Përgatitja:
Marrim një tigan dhe shtrojmë dy shresa me gjethe spinaqi, i mbulojmë me kapak dhe i lëmë në zjarr të ulët për 2 minuta. Pasi të shohim që volumi i spinaqit është ulur, marrin dy kokrra vezë dhe i hedhim sipër. I trazojmë lehtë vezët mbi spinaq dhe në qendër hedhim pak djathë. Sipër tyre i hedhim shumë pak vaj ulliri. Me kujdes, mbledhim dy anët e spinaqit, fikim zjarrin dhe i lëmë në temperaturën e saj. Pasi të shikoni se është gati, vendoseni në një pjatë. Ju bëftë mirë!/E.B-dritare.net
