Qumështori me petë është një nga ëmbëlsirat që është përgatitur tradicionalisht në festën e Pashkëve. Ka një shije të veçantë, dhe për ta përgatitur në shtëpi, dritare.net do ju tregojë recetën.
Përbërësit
14-16 peta te holla për byrek (rreth 500gr)
250gr gjalpë i shkrire
2 kg krem pastiçerie
Për sherbetin
2 filxhan ujë
3 filxhan sheqer
lëngun e një limoni
pak lekurë limoni
Përgatitja
Lyejmë me pak gjalpë të shkrirë një tave të rrumbullakët, shtrojmë 7-8 petë duke i lyer një nga një me gjalpë, shtojmë kremin e pastiçerisë te cilin e nivelojmë me një spatul ose lugë, dhe shtrojmë edhe petët e mbetura, gjithmonë duke i lyer me gjalpë.
Anët e petëve i mbështjellim nga brenda, e spërkasim sipërfaqen me gjalpin e mbetur dhe e pjekim qumështorin ne furre te parangrohur në 180°C për rreth 30-35 minuta, apo derisa të ketë marrë ngjyrë të artë në sipërfaqe, pa e hapur derën e furrës.
Ndërkohë përgatisim sherbetin duke shkrirë sheqerin në ujë, në zjarr mesatar, shtojmë një copëz lëkurë limoni, dhe e lëmë në këtë mënyrë të zieje për rreth 10 minuta. E heqim nga zjarr, shtojmë lëngun e limonit dhe ia hedhim ëmbëlsirës, kur ajo të jetë ftohur, dhe ta kemi prerë në copa. Ju bëftë mirë dhe Pashkë të gëzuara./dritare.net
