Vajzat e famshme që e treguan me krenari trupin e tyre me strija!
E Martë 4 Gusht 2020, 13:01
Dritare.net
Ditën e djeshme Sara Hoxha, partnerja e këngëtarit Ledri Vula, postoi një foto në Instastory ku dalloheshin qartazi strijat. Ky veprim nga ana e Sarës u komentua, por edhe u vlerësuar për faktin se ajo shfaqi një të "metë" të saj fizike dhe tregoi se është një vajzë pa komplekse.
Por Sara nuk është e vetmja vajzë shqiptare që ka guxuar të tregojë hapur se ka edhe ajo të meta në trupin e saj. Edhe shumë vajza të njohura shqiptare kanë pasur kurajën ta bëjnë këtë.
Ne ju sjellim disa fotografi të vajzave shqiptare, të cilat kanë shfaqur trupin e tyre plot krenari, pa e vrarë mendjen se nuk është perfekt.
Blogerja e njohur Lori Hoxha, pra ca kohësh ka publikuar një foto në plazh dhe dallohej se në këmbët e saj kishte strija, por ajo nuk e kishte problem këtë fakt.
Disa ditë më parë këngëtarja e dashur për publikun, Era Istrefi, u rikthye me postime në Instagram. Ndër fotot e shumta te postuara, ajo që bie në sy është një foto e Erës me bikini, ku dallohen strijat.
Supermodelja Dorina Gegici, në llogarinë e saj në Instagram ka publikuar një foto me bikini ku shihen qartë strijat, por në këtë mënyrë Dorina tregoi se nuk heziton të shfaqë trupin e saj përpos disa problemeve të vogla.
Modelja më joshëse shqiptare, Arbenita Ismajli, ka vendosur të jetë transparente me ndjekësit e saj dhe shpesh publikon foto të strijave që ka në trup.
Këngëtarja Big Mama ka pasur probleme me peshën e saj. Lëkundjet e shpeshta të peshës kanë bërë që ajo të ketë strija, por këngëtarja nuk përpiqet aspak t'i fshehë.
Edhe Agnesa Hadërgjonaj publikoi një foto me të motrën, Anxhenelina, dhe në trupin e saj dalloheshin strija. Agnesa ka linja perfekte, por ja që strijat nuk pyesin për linja.
Asnjë trup nuk është perfekt dhe këtë na e kanë vërtetuar edhe Bella Hadid dhe Chiara Ferrgani.
Bukuroshja italiane Chiara Ferrgani, postoi një foto me bikini dhe strijat që dalloheshin qartë, blogerja nuk u lodh fare t`i mbulojë me ndonjë krem apo fotoshop.
Edhe supermodelja Bella Hadid, është fotografuar në plazh dhe në fotot e shkrepura dallohen strija dhe celulit në këmbët e modeles. Epo ja që modelja nuk e ka fare problem dhe nuk mundohet t`i fsheh ato.
Pra duhet kuptuar se nuk ka trupa perfekt, strijat janë diçka normale në trupin e një vajze dhe se ato nuk të bëjnë më pak të bukur./R.P/dritare.net
