Si kujdeset bota për mirëqenien? 7 tradita globale që ia vlen t'i adoptojmë!
E Premte 16 Janar 2026, 17:05
Dritare.net
Që nga lashtësia, njerëzit kanë udhëtuar për shëndetin e trupit dhe mendjes. Sot, përballë lodhjes, stresit dhe vetmisë, shumë kultura ofrojnë zakone të thjeshta që ndihmojnë lidhjet njerëzore dhe kujdesin për veten. Këto tradita tregojnë se mirëqenia shpesh buron nga rutina dhe komuniteti.
Kanpu masatsu (Japoni) – Fërkimi i trupit me peshqir të thatë për disa minuta nxit qarkullimin e gjakut, ngroh trupin dhe forcon imunitetin, duke ndihmuar kundër ftohjeve dhe stresit.
Sobremesa (Spanjë dhe Amerikë Latine) – Qëndrimi në tavolinë pas vaktit për biseda dhe shoqëri forcon lidhjet sociale, të cilat janë thelbësore për mirëqenien emocionale.
Dinacharya (Indi) – Një rutinë e përditshme nga Ayurveda që synon ekuilibrin e trupit dhe mendjes, duke vënë theksin te qëndrueshmëria dhe jo te rregullat strikte.
Kimchi dhe gimjang (Kore) – Përgatitja e përbashkët e kimchit është traditë kulturore dhe ushqimore që përmirëson shëndetin e zorrëve falë ushqimeve të fermentuara.
Friluftsliv (vendet nordike) – Filozofi jete që promovon qëndrimin në natyrë në çdo stinë, duke përmirësuar humorin dhe ulur stresin, sidomos gjatë dimrit.
Jamu (Indonezi) – Pije tradicionale bimore me xhenxhefil, shafran Indie dhe tamarind, e njohur për përfitimet ndaj imunitetit dhe tretjes.
Passeggiata (Itali) – Shëtitja e qetë e mbrëmjes ndihmon në tretje, ul stresin dhe forcon lidhjet komunitare, pa qenë ushtrim intensiv.
Mirëqenia nuk kërkon zgjidhje ekstreme, por zakone të përditshme që ushqejnë trupin, mendjen dhe marrëdhëniet me të tjerët./K.C/dritare.net
