Si duhet t'ia shpjegojnë prindërit, fëmijëve seksualitetin dhe pornografinë! Flet Lira Gjika!
E Martë 29 Tetor 2024, 08:08
Dritare.net
Nga Lira Gjika
Një problem shume delikat qe po haset këto vitet e fundit, është kontakti i fëmijëve 8-12 vjeç me pornografinë apo stacionet televizive “për të rritur”. Prindërit shpesh gjenden përballe kësaj dukurie te re, të hutuar e te çarmatosur. Fjalët e para qe u dalin na goja, janë “turp” dhe “e dëmshme”.
Është e vërtetë që të tilla janë, por nuk mund t’i flitet fëmijës nëpërmjet etiketimit dhe paragjykimit. Fëmija duhet të arrijë vetë në ato konkluzione. Kjo është detyra e të rriturit, t'i shpjegojë me qetësi vlerën dhe rëndësinë e këtij raporti aq delikat dhe të zakonshëm që siguron ekzistencën por edhe që është kaq shumë i etiketuar. Mënyra se si do ia shpjegojë i rrituri, këtë dukuri, do ta bëjë fëmijën të mos ketë atë kuriozitetin që e vret seksualitetin. Është e natyrshme në këtë moshë, që ne trupin dhe psihen e fëmijës po ndodhin ndryshimet e mëdha, fëmija të fokusohet te gjinia dhe seksualiteti. "Pjekja seksuale" është dhe rritja e para që arrin njeriu. Natyra i ka marre masat që të sigurohet ekzistenca. Detyra e të rriturit, sidomos e mësuesve në shkolla, është, që ta ndihmojë të mos ngecet n eksitimin banal, qe më shumë është një bastardim se sa fenomen në natyrë.
Kombinimi i pjekjes seksuale me mjetet që njeriu ka shpikur, për të përftuar me shumë kënaqësi seksuale, nuk mund të japin asgjë të mirë në këtë fazë të jetës. Nëse i rrituri neglizhon dhe nuk flet me fëmijën për atë që po ndodh në trupin e tij, pengon pikërisht atë princip të natyrës dhe njerëzores, që vetja është zbulim dhe nuk mund të realizohet me eksperiencat e gatshme te të tjerëve, sidomos të të rriturve perverse. Kujdes prindër dhe mësues. Do të sugjeroja që të flisni me fëmijët me seriozitetin më të madh dhe duke i shpjeguar rëndësinë e jetës dhe krijimit të saj nëpërmjet aktit seksual. Ne të gjithë jemi në këtë jetë pikërisht nga ky akt magjiplotë, i cili krijon jetën. Fëmijës i flitet thjesht:- marrëdhënia seksuale nuk fillon nga organi, por është një formë komunikimi që mundëson krijimin e jetës. Janë njerëzit që hyjnë në marrëdhënie dhe jo organet e tyre. Ato që ke parë janë bere si filmi që nuk është i vërtetë, por e ndërtojnë pjesë pas pjese siç e ka menduar regjisori.
Dashuria është një gjë shumë e çmuar dhe duhet zbuluar sa më bukur. Ti je duke u rritur dhe natyrisht, që ndjen brenda vetes efektet e kësaj rritje, si kurioziteti për veten, prekjen e zonës gjenitale, por edhe zbulimi i seksualitetit të tjetrit.
Në këtë fazë të jetës, nuk ke nevojë të shikosh ca njerëz të tjerë, që shtiren sikur bëjnë dashuri. Mos e bëj ketë gjë se të prish gjithë magjinë e vetes dhe të dashurisë. Ajo është një gjë që zbulohet hap pas hapi dhe jo duke parë të tjerët./dritare.net
