Përfitoni 20 mijë euro, nëse martoheni në kishë!
E Hënë 21 Nëntor 2022, 12:12
Dritare.net
Çiftet të cilat vendosin të martohen në kishë mund të përfitojnë 20 mijë euro bonos. Po flasim për Italinë, dhe kushtet nuk duken shumë të vështira. Ky është propozimi i paraqitur nga pesë deputetë të Ligës së Veriut.
“Me bonusin ne synojmë të lehtësojmë çiftet e reja që synojnë të kremtojnë një martesë fetare dhe që do të kenë mundësinë të përfitojnë nga zbritja prej 20 për qind e kostove që lidhen me festën".
Të dalim te kushtet: Duhet që bashkëshortët të jenë nën 35 vjeç, të ardhurat totale të jenë nën 23 mijë euro dhe shtetësia italiane për të paktën 10 vjet. Subvencioni do të ishte i disponueshëm për të gjitha shpenzimet, nga dekorimi i kishës, "lulet dhe broshurat" deri tek ato që kanë të bëjnë me festën, fustane, ushqim, make-up dhe fotografë. Megjithatë ky propozim, nuk është shumë i mirëpritur, as nga opozita dhe as nga qeveria.
Ministri i Mbrojtjes Guido Cosetto tha:
"Bonusi i dasmës është propozim i paraqitur nga një deputet. Këshilli i Ministrave, nuk mendon t'u japë çmim atyre që martohen në kishë, është nuk është një çështje që i intereson një shteti laik”. Propozimi për bonus martese u bë nga Domenico Furgiuele, Simone Billi, Ingrid Bisa, Alberto Gusmeroli dhe Erik Pretto./L.F-dritare/net
