Ky projekt në Singapor po përdor insektet, për t’i kthyer plehrat në thesar!
E Diel 5 Shtator 2021, 09:09
Dritare.net
Fermeri me bazë në Singapor Chua Kai-Ning kalon shumë nga dita e saj duke u siguruar që kafshët e saj të ushqehen mirë dhe të rriten shpejt.
Por ajo nuk është një fermere e zakonshme dhe këto nuk janë kafshë të zakonshme.
Chua dhe partneri i saj, Phua Jun Wei, themeluan startupin "Insectta" në vitin 2017. Ata po luftojnë krizën e Singaporit me mbeturinat ushqimore me ndihmën e një aleati.
"Koncepti sipas Insectta është se asgjë nuk shkon dëm", tha Chua. "Mbetjet mund të rigjenerohen si një burim nëse ndryshojmë mënyrën se si mendojmë për metodat tona të prodhimit dhe si sillemi me mbeturinat."
Në vitin 2020, Singapori krijoi 665,000 tonë metrikë mbeturina ushqimore - vetëm 19% e të cilave u ricikluan.
Insectta mund t'i kthejë krimbat në ushqim për kafshët dhe jashtëqitjet e insekteve në pleh bujqësor.
Ndërsa ka shumë kompani që përdorin insekte për të menaxhuar mbeturinat, përfshirë Goterra, Better Origin dhe AgriProtein, Insectta po nxjerr më shumë produkte bujqësore nga mizat. Me fonde nga Trendlines Agrifood Fund dhe grante qeveritare, Insectta po prokuron biomateriale me vlerë të lartë nga nënproduktet e këtyre larvave./CNN/M.T/dritare.net
