Historia e çiftit që u martua në një ditë tersi, si e premte, data 13!

BBC News

Një çift që u martua në varreza në atë që supozohet se është dita më e pafat e vitit, 13-ta, kanë thënë se për ta ishte dita më perfekte.

Hannah dhe Mathew Parfitt, nga Pontypridd, Rhondda Cynon Taf u martuan më 13 tetor të vitit të kaluar në një dhomë që dikur përdorej për të ulur arkivolet përpara djegies.

Hannah, e veshur me një fustan të zi, dhe Mathew, i veshur me një kravatë të kuqe të mbuluar me kafka, i thanë zotimet e tyre nën dritën e qiririt me perde të hapura.

"Ne donim të martoheshim në Halloween, por gjithmonë bie shi shumë i keq në çdo vit," tha Hannah.

Vendi i zgjedhur i çiftit ishte Arnos Vale në Bristol, një varrezë viktoriane e cila është gjithashtu një vend i licencuar për dasma.

"Ne nuk u martuam në varret e vërteta, sepse kjo do të ishte mungesë respekti," tha ajo.

E pyetur pse zgjodhën një shtëpi varrimi, Hannah tha: "Gjithmonë më kanë pëlqyer shumë. Thjesht më duken mjaft të qeta".

Po për zgjedhjen e ditës gjoja më të pafat të vitit?

"Nuk kemi pasur ende ndonjë fat të keq, apo jo?" tha Mathew.

"Jo, ne kemi qenë shumë mirë. Kemi marrë një shtëpi të re së fundmi, kështu që po shkon mirë", shtoi ajo.

Samantha tha se ajo nuk besonte vërtet në bestytnitë që rrethojnë të premten më 13.

Pse e premtja 13 konsiderohet e pafat?

Askush nuk është i sigurt për origjinën e saktë të bestytnive. Numri 13 dhe e premtja sipas bestytnive kanë sjellë fat të keq. Është sugjeruar se arsyeja e fatit të keq të numrit 13 vjen nga Bibla.

Juda, i cili e tradhtoi Jezusin, mendohet të ketë qenë i ftuari i 13-të që u ul në Darkën e Fundit.

E premtja është konsideruar si dita më e pafat e javës për qindra vjet. Në përrallat e famshme të Canterbury të Geoffrey Chaucer, të shkruar në shekullin e 14-të, ai tha: "Dhe të premten ra gjithë kjo fatkeqësi".

Në Mbretërinë e Bashkuar, e premtja njihej dikur si Dita e Xhelatit, sepse zakonisht ishte kur njerëzit që ishin dënuar me vdekje, vareshin./ M.K-dritare.net