Fustanet hakmarrëse/ Historitë pas veshjeve të guximshme të grave të famshme!
E Hënë 8 Korrik 2024, 22:10
Dritare.net
Në momentet e krizës personale, zonjat e famshme shpesh zgjedhin të bëjnë një deklaratë të guximshme përmes modës që shënon momentin e tyre të transformimit dhe fuqizimit.
Koncepti i veshjes së hakmarrjes hyri në ndërgjegjen tonë në verën e vitit 1994, në të njëjtën natë që u transmetua intervista famëkeqe e Princit Charles, i cili pranoi në televizionin publik marrëdhënien e tij me Camilla Parker-Bowles. Diana mori guximin dhe krijoi një pamje që në të ardhmen do të kishte faqen e saj në Wikipedia, me titullin, "Fustani i hakmarrjes". Veshja hakmarrëse është më shumë se thjesht një veshje, është një deklaratë e qartë e vetëvlerësimit dhe qëndrueshmërisë. Për të famshmit, të cilët jetojnë pjesën më të madhe të jetës së tyre në sytë e publikut, këto veshje ofrojnë një mënyrë për të rifituar imazhin dhe për të treguar historinë sipas tyre. Për më tepër, përmes një vështrimi, ndjeshmëria shndërrohet në një moment fuqie, duke përdorur modën për të komunikuar forcën, pavarësinë dhe një këndvështrim largpamës.
Veshja hakmarrëse është kthyer në një ikonë kulturore dhe një kujtesë se moda, në rastin më të mirë, nuk ka të bëjë vetëm me estetikën, por edhe me mesazhet e fuqishme që mund të përcjellë. Qoftë princesha Diana, e cila ndryshoi imazhin e saj në botë me një paraqitje, qoftë personazhet e famshme që pasuan, fustani hakmarrës ekziston si një simbol i fuqishëm i dinjitetit, por edhe si sfidë.
Princesha Diana, 1994
Fustani i zi me shpinë jashtë nga stilistja greke Christina Stambolian ishte një largim i fortë nga veshjet më konservatore që Diana kishte veshur në të kaluarën. Fustani i guximshëm i mëndafshtë ishte mënyra për të kontrolluar narrativën e saj mes skandalit të shkaktuar nga Princi Charles. Thonjtë e saj ishin të lyer me ngjyrë të kuqe dhe qafa ishte zbukuruar me një varëse me perla, e cila kishte një safir aq të madh sa dukej se kishte fuqi magjike.
Mariah Carey, 1997
Mariah Carey, e çliruar nga burri i saj toksik dhe kontrollues, 20 vjet më i madh, Tommy Mottola, e barazoi lirinë e saj me një gardërobë të re, po aq të çliruar, me të cilën ajo debutoi në MTV VMA të atij viti. Veshja bërtiste pavarësinë dhe ishte pikënisja për një sërë minifundesh, fustanesh të ngushtë, bluza të shkurtra dhe taka të larta.
Gigi Hadid, 2015
“Një grua që pret flokët është një grua që do të ndryshojë jetën e saj.”, tha Coco Chanel dhe fjalët e saj u justifikuan sërish, këtë herë në rastin e Gigi Hadid. Kur modelja u shfaq në American Music Awards disa muaj pas ndarjes së saj nga muzikanti Jo Jonas, ajo me siguri e dinte se do të ndeshej me të, kështu që ajo e doli me një veshje të re dhe një model flokësh të ri, që në fakt ishte një paruke.
Bella Hadid, 2016
Disa javë pas ndarjes së saj nga The Weeknd, Bella Hadid ishte vendosur ta takonte atë në publik, ajo si një engjëll i Victoria's Secret dhe ai si interpretues i skenës. Mjaftoi një vështrim dhe një fustan seksi Julien Macdonald në after party për ta futur Bella Hadid në panteonin e fustaneve hakmarrëse.
Elizabeth Hurley, 2000
Mund të ketë qenë fustani i famshëm Versace që e ka forcuar atë si një ikonë të stilit të viteve '90, por fustani shampanjë i Elizabeth Hurley në daljen e saj të parë publike që nga ndarja e saj nga Hugh Grant ishte një nga fustanet më hakmarrëse të kësaj bote, informon dritare.net
Zoë Kravitz, 2021
Jo të gjitha fustanet hakmarrëse duhet të jenë të zeza ose të përbëra nga shumë pëlhurë. Një muaj pas finalizimit të divorcit nga aktori Karl Gusman, vajza e Lenny Kravitz, Zoë, u shfaq në Met Gala me një fustan transparent të Saint Laurent që nuk ishte përputhur me temën e natës, por sigurisht që ishte e mjaftueshme për ta bërë djalin e saj të ri, Channing Tatum, për t'u dukur si një aksesor.
Jennifer Lopez, 2021
Vetëm disa javë pas ndarjes nga Alex Rodriguez, Jennifer Lopez u rikthye me Ben Affleck dhe çifti bëri debutimin e tyre zyrtar në Festivalin e Filmit në Venecia. Çfarë mund të jetë më tërheqës se një fustan i bardhë me një dekolte të hapur, shoqëruar me bizhuteri diamanti Cartier? Xhekpoti i dyfishtë i Lopez në një natë./K.C/dritare.net
