A ia vlen të shpenzoni më shumë se dy paga për një unazë fejese/martese! Ja çfarë thotë sondazhi!
E Shtunë 30 Nëntor 2024, 10:10
Dritare.net
Çdo ditë shohim propozime për martesë nga më të çuditshmet në botë. Por ndodhemi zyrtarisht në një nga periudhat më të njohura të vitit ku partnerët surprizojnë partneret e tyre duke i dhuruar unazë fejese apo martese, sipas Bridebook, një aplikacion popullor për planifikimin e dasmave. Më shumë se 100,000 fejesa ndodhin gjatë kësaj periudhe festive.
Por si pasojë e rritjes së inflacionit, shumë qytetarë kanë filluar të shpenzojnë më pak për të blerë këtë dhuratë simbolike dhe kanë filluar të pyesin, çfarë ndodh me unazën nëse ndahen nga partneret/partnerët?!
Kur bëhet fjalë për buxhetin që duhet të shpenzosh për të blerë një unazë, qytetarët e krahasojnë atë, me rrogat e dy muajve. Sigurisht, për një numër të madh qytetarësh, ky shpenzim është i papërballueshëm por ka dhe të tjerë, që mund të përballojnë të paguajnë më shumë. Meghan, Dukesha e Sussex, mban një unazë fejese, me tre diamante, duke përfshirë disa nga koleksioni i Princeshës Diana. Vlerësohet se kjo unazë i ka kushtuar Princit Harry midis 150,000 dhe 300,000 £, por sot mund të vlerësohet shumë më tepër.
Një sondazh i Sky News zbuloi se shumë qytetarë do të shpenzonin midis 1,000 dhe 5,000 £ për një unazë.
Vetëm 306 thanë se mendonin se unazat ishin të panevojshme, më pak se 507 që thanë se do të shpenzonin më shumë se 5000 £ për një unazë.
Ja si janë përgjigjur ata:
“Dy muaj? Është e pakuptimtë”;
"Një muaj, dy muaj, tre muaj, është një marrëzi relative. Asnjëherë nuk duhet të futeni në borxhe për një unazë fejese. Sepse një unazë fejese, sado e bukur që është, nuk do të paguajë qiranë e shtëpisë, nuk do të paguajë faturën tuaj të energjisë elektrike”;
Çfarë ndodh nëse ndaheni?
Ashtu si Molly Mae dhe Tommy Fury, jo çdo fejesë përfundon përgjithmonë e lumtur. Fejesa e tretë e Paris Hilton me aktorin Chris Zylka u shënua me një unazë diamanti 20 karatësh që thuhet se vlen 2 milionë dollarë. Pasi u ndanë, trashëgimtarja nuk pranoi ta kthente. Një unazë shumë e shtrenjtë e gjeti veten në qendër të një beteje gjyqësore që shkoi deri në Gjykatën e Lartë të Massachusetts. Dyshja u fejuan për pak kohë në vitin 2017.Sipas dokumenteve të gjykatës, Johnson e bleu unazën e fejesës nga Tiffany's në Boston, duke paguar më shumë se 70,000 dollarë. Menjëherë pasi dyshja u fejuan, lidhja mori fund.
Megjithatë, në Mbretërinë e Bashkuar, unaza zakonisht klasifikohet si një dhuratë absolute.
Ligji i Reformës së Ligjit 1970 thotë se:
"Dhurata e një unaze fejese do të supozohet të jetë një dhuratë absolute; ky supozim mund të hidhet poshtë duke provuar se unaza është dhënë me kushtin, që ajo duhet të kthehet nëse martesa ka marrë fund pa ndonjë arsye të fortë."
55% e të anketuarve thanë se unza duhet të kthehet./M.K-dritare.net
