A e dinit/ Ajri i ndotur po ju shkatërron këto 3 organe!
E Diel 13 Nëntor 2022, 21:09
Dritare.net
Ekspozimi ndaj ndotjes së ajrit mendohet të jetë po aq i rrezikshëm sa dieta jo e shëndetshme dhe pirja e duhanit. Ndotja e ajrit është identifikuar si një faktor rreziku për shumë sëmundje, duke përfshirë sëmundjet e zemrës, goditjen në tru, sëmundjen pulmonare obstruktive kronike (COPD), infeksionet e rrugëve të poshtme të frymëmarrjes, diabetin dhe kancerin e mushkërive, të cilat janë shkaktarët kryesorë të vdekjeve në mbarë botën.
Ndotja e ajrit mund të prekë pothuajse çdo organ në trupin tonë. Disa ndotës të ajrit që thithim mund të depërtojnë edhe në qarkullimin e gjakut nëpërmjet mushkërive. Ndotja e ajrit mund të ketë ndikim të madh në këto tre organe vitale:
Mushkëritë - Kanceri i mushkërive ishte shkaku më i zakonshëm i vdekjes nga kanceri në vitin 2020, duke llogaritur 1.80 milionë vdekje në mbarë botën. Ekspozimi ndaj ndotjes së ajrit vlerësohet të shkaktojë rreth 36 për qind të vdekjeve nga kanceri i mushkërive, sipas OBSH-së.
Truri- Ndotja e ajrit dihet gjithashtu se rrit rrezikun e goditjes në tru, i cili është shkaku i dytë më i zakonshëm i vdekjeve në mbarë botën. Sipas OBSH-së, ndotja e ajrit është përgjegjëse për 34 për qind të vdekjeve nga goditjet në tru.
Zemra- Ndotja e ajrit vlerësohet të shkaktojë më shumë vdekje nga sëmundjet kardiovaskulare se sa të tjerat nga rreziqet kryesore të modifikueshme për sëmundjet kardiovaskulare, siç janë pirja e duhanit, hipertensioni, hiperlipidemia dhe diabeti. Sipas OBSH-së, ndotja e ajrit përbën 27 për qind të vdekjeve nga sëmundjet e zemrës.
Sipas OBSH-së, fëmijët, të moshuarit dhe gratë shtatzëna janë më të rrezikuar nga sëmundjet e lidhura me ndotjen e ajrit./Healthsite./M.K/dritare.net
