Plagoset me thikë në supermarket, këngëtari shkodran
E Martë 14 Janar 2025, 11:11
Dritare.net
Këngëtari shkodran, Ademir Fresku është plagosur me thikë, pranë teatrit të qytetit në një supermarket. Ende nuk dihen rrethanat e ngjarjes, por mësohet se Fresku është transportuar në spital dhe ndodhet nën kujdesin e mjekeve.
Njoftimi i policisë:
"Dëmtoi me mjet prerës, një shtetas, gjatë një konflikti të çastit, Policia identifikoi autorin dhe vijon kontrollet për kapjen e tij.
Rreth orës 11:00, te sheshi “Demokracia”, dyshohet se shtetasi Gj. B., 50 vjeç, ka dëmtuar me mjet prerës (thikë), shtetasin A. F., 30 vjeç, i cili është jashtë rrezikut për jetën.
Shërbimet e Policisë po vijojnë kontrollet për kapjen e shtetasit Gj. B.
Grupi hetimor, në drejtimin e Prokurorisë, po punon për zbardhjen e rrethanave të rastit.", thuhet në njoftim./K.C/dritare.net
