Vuçiç i përgjigjet ashpër Stoltenbergut: Për ushtrinë vendos Serbia, jo NATO!
E Martë 21 Nëntor 2023, 11:11
Dritare.net
Presidenti serb Aleksandër Vuçiç i është përgjigjur ashpër sekretarit të Përgjithshëm të NATO-s, Jens Stoltenberg pasi ky i fundit tha se Serbia nuk duhet të vendosë ushtri në kufi me Kosovën.
Vuçiç i është kundërpërgjigjur deklaratës së shefit të NATO-s duke thënë: ku e vendosim ushtrinë tonë është punë e jona.
“Ne diskutuam të gjitha çështjet e rëndësishme për më shumë se një orë e gjysmë dhe bashkëpunimi me NATO-n dhe KFOR-in është i rëndësishëm për ne, me shpresën se do të kemi siguri në Kosovë. Serbët janë kërcënuar dhe sulmuar, shqiptarët asnjëherë nuk janë sulmuar. Për të qenë të saktë, vetëm serbët janë sulmuar që nga viti 2001 dhe sidomos kur Kurti ka qenë në pushtet.
Ku e vendosim ushtrinë tonë është punë e jona. Meqenëse e di se Perëndimi është i interesuar vetëm për Banjskën dhe Zveçanin, më duhet të them se ne kemi një pikëpamje tjetër për atë që ka ndodhur, por i kuptojmë kërkesat e NATO-s dhe Perëndimit”, ka thënë ai./M.K-dritare.net
