Vdes aktori dhe politikani i njohur, Adem Mikullovci
E Martë 15 Shtator 2020, 12:12
Dritare.net
Ka ndërruar jetë aktori dhe politikani i njohur nga Kosova, Adem Mikullovci. Lajmin e kanë bërë të ditur familjarët e aktorit.
“Sonte pas mesnatës në ora 00:20 ndërroi jetë më i dashuri ynë Adem Mikullovci! Për informata tjera dhe ceremoninë e varrimit ju lajmërojmë.”-ka njoftuar bashkëshortja e tij Lumnije Mikullovci.
Aktori Mikullovci ka lindur në vitin 1939 në Vushtrri. Përgjatë jetës së tij ka luajtur në shumë projekte filmike, teatër, komedi dhe shumë performanca të tjera artistike.
Ai së fundmi ishte rikthyer në politikë duke iu bashkuar Lëvizjes Vetëvendosje.
Në vitin 1990 ishte në mesin e deputetëve të Kuvendit të Kosovës të cilët shpallën Deklaratën Kushtetuese të 2 Korrikut./K.C/dritare.net
