Trump: Gjatë mandatit të parë ndala luftën mes Kosovës dhe Serbisë. Do ta bëj sërish!
E Diel 15 Qershor 2025, 16:04
Dritare.net
Presidenti amerikan Donald Trump ka deklaruar se gjatë mandatit të tij të parë ndaloi një shpërthim të mundshëm lufte mes Kosovës dhe Serbisë, duke theksuar rolin e tij në promovimin e paqes në Ballkan.
Në një postim në platformën Truth Social, Trump shkroi: “Gjatë mandatit tim të parë, Serbia dhe Kosova po shkonin drejt një konflikti serioz. Unë e ndalova. Biden ka dëmtuar perspektivat afatgjata me vendime të pamenduara, por unë do ta rregulloj sërish.”
Ai përmendi gjithashtu ndërhyrjet e tij në konfliktet mes Indisë dhe Pakistanit, si dhe Egjiptit dhe Etiopisë, duke theksuar se diplomacia amerikane, përmes marrëveshjeve ekonomike dhe presionit tregtar, ka sjellë rezultate konkrete në ruajtjen e paqes./L.F-dritare.net
