Tragjedia me 59 të vdekur në MV. Protestuesit shkatërrojnë lokalin e pronarit të diskotekës
E Hënë 17 Mars 2025, 18:06
Dritare.net
Qytetarët në Koçan kanë protestuar sot duke kërkuar drejtësi për tragjedinë në klubin e natës “Puls” në Koçan, ku humbën jetën 59 të rinj.
Protesta ka vazhduar para një lokali i cili sipas protestuesve ishte i pronarit të klubit të natës tashmë të shkrumbuar. Protestuesit kanë thyer xhamat e dyqanit si shenjë proteste. Gjithashtu përmbysën një makinë që sipas protestuesve është i pronarit të klubit “Puls”.
Protesta u zhvilluan edhe para shtëpisë private kreut të Komunës së Koçanit Lupço Papazov, i cili më herët gjatë ditës dha dorëheqjen. Qytetarët hodhën gurë dhe vezë në drejtim të banesës së tij./K.C/dritare.net
