Reagimi i fortë i Ambasadës së Kosovës në Shkup për incidentin e presidentes Osmani!
E Shtunë 3 Gusht 2024, 17:05
Dritare.net
Ambasada e Kosovës në Shkup ka reaguar në lidhje me incidentin që i ndodhi presidentes Vjosa Osmanit.
Përmes një postim në X, Ambasada shkruan:
"Ambasada e Republikës së Kosovës në Shkup përgenjështron në termat më të fuqishëm lajmin në disa portale të RMV se është prononcuar lidhur me incidentin në Aeroportin e Shkupit dhe se kinse ka konfirmuar se kjo është nota e parë dërguar autoriteteve.
Informacioni i plasuar është i pasaktë edhe substancialisht. Ambasada bën thirrje që të mos keqpërdoret emri i saj dhe mos të shfrytëzohet incidenti i paprecedent dhe i paligjshëm ndaj Presidentes së Republikës së Kosovës për qëllime të politikës së brendshme në RMV"./ M.K-dritare.net
