Kuvendi Zgjedhor në Kosovë zgjedh Lumir Abdixhiku si kryetar të ri të Lidhjes Demokratike të Kosovës. Abdixhiku është pjesë e LDK-së që prej vitit 2017 dhe është zgjedhur tri herë deputetë në tri palë zgjedhje. Në të fundit, ai mbante numrin 11 në listë, ndërsa doli i treti më i votuari.
Abidxhiku pati kundërkandidarë nënkryetarin e LDK-së, Lutfi Hazirin dhe Besian Mustafa, djali i veprimtarit të vrarë të LDK-së, Xhemajl Mustafa. Ekonomisti Abdixhiku është kryetari më i ri që e ka udhëhequr ndonjëherë LDK-në, ndërsa timonin e partisë po e merr në gjendjën më të keqe të saj që prej themelimit./K.C/dritare.net
