Abazoviç para deputetëve: Ju pengon fakti se jam shqiptar!
Dritare.net
Në Kuvendit e Malit të Zi është duke u mbajtur seanca me mocion mosbesimi ndaj Qeverisë së kryeministrit, Dritan Abazoviç. Seanca ka filluar pak minuta pas orës 11:00, kur është parashikuar të mbahet.
Gjatë fjalës së tij, kryeministri Abazoviç tha se një ndër arsye se pse po mbahet kjo seancë ndikohet nga fakti se ai është shqiptar.
”Që në ditën e parë u ka shqetësuar fakti që jam pjesëtar i një kombi pakicë [shqiptar]. Unë jam kryeministër që merr vendime të vështira, që mbrojti interesat kombëtare edhe pas 30 gushtit 2020, që ruajti kursin e politikës së jashtme.
Jam kryeministër që merr vendime të vështira. Sot ndoshta bashkoheni të gjithë në urrejtje. Heren tjeter bashkohuni në dashuri. Le të flasim për gjëra reale jo halucinacione e bash për këtë duhet të bashkohemi… Pres diskutimin dhe përpjekjen e sotme për të shpjeguar pse erdhi iniciativa për rrëzimin tim, kush është frymëzuesi dhe çfarë fshihet pas saj”.
Abazoviq tha se pas saj nuk qëndron as rruga europiane, as dëshira për të përzier kartat politike.
“Ka nevojë që Mali i Zi të ndalet në rrugën e transformimit në mënyrë që struktura të caktuara rifitojnë pozicionet e tyre financiare që u kanë shpëtuar ose janë në gjendje të mirë për t’u shpëtuar. Për këtë do të flas më poshtë, emrin dhe mbiemrin”./express/Xh.Xh/dritare.net