Dashi
Sot duhet të bëni më shumë përpjekje për të arritur objektivat tuaja. Mos u dorëzoni as nëse nuk ja dilni me përpjekjen e parë. Nëse jeni në një lidhje bëni shumë kujdes nga Plutoni, i cili do ju nxitë t'i impononi partnerit mendimet tuaja. Mos këmbëngulni për gjithçka sepse do keni probleme më pas. Ju beqarët do keni disa takime të favorshme megjithatë ende nuk do ndiheni gati për të hedhur hapa. Në punë gjërat nuk do përparojnë aq shpejt sa ju do kishit dashur, por nuk keni çfarë të bëni. Lërjani çdo gjë kohës dhe vetëm prisni. Në planin financiar do përballeni me goxha vështirësi kështu që sa të mundni kurseni dhe kufizojeni veten.
Demi
Sado që yjet t’iu nxitin drejt dialogut ju serish nuk do e përmbani veten dhe mund të bëni gabime. Ju të dashuruarit do jeni tej mase xhelozë për partnerin tuaj dhe nuk e lini asnjë moment të lirë. Kujdes sepse kjo gjë mund ta mërzitë atë dhe mund ta largoje akoma më tepër. Ju beqarët do bëni mirë të mos nxitoheni për asgjë sepse mundësitë më të mira do iu jepen pas disa ditëve. Në punë nuk do jeni shumë profesionistë dhe gjërat nuk do ju ecin ashtu si i kishit menduar. Për t’ua dalë duhet edhe më shumë përpjekje dhe vendosmëri. Buxhetin për fat do dini si ta menaxhoni gjithë kohës dhe gjendja ka për të mbetur e kënaqshme.
Binjakët
Hëna do ju ndihmojë tej mase sot. Do jeni më të logjikshëm, më të lidhur me të tjerët dhe më të duruar. Ju që jeni në një lidhje do merrni vendime shumë të rëndësishme. Një etape e re do fillojë për ju dhe më në fund do ndiheni të plotësuar dhe të gëzuar. Ju beqarët nuk duhet të fiksoheni tek pamja e dikujt sepse më i rëndësishëm se ajo është shpirti. Në punë nuk do keni aspak vështirësi përkundrazi do arrini të shlyeni borxhet dhe të hiqni edhe para mënjanë për të ardhmen. Buxheti ka për të pasur goxha tronditje pasi ju nuk do arrini dot t'iu vini fre shpenzimeve.
Gaforrja
Dielli dhe Marsi do ju ndihmojnë sot të gjeni zgjidhje për çdo gjë dhe do ndiheni më të qetë. Nëse keni një lidhje të qëndrueshme edhe kjo ditë do jetë e mirë dhe pa probleme. Nuk do keni asgjë për çfarë të qaheni dhe mund të merrni disa vendime të rëndësishme. Ju beqarët nuk do jeni gati për aventura kalimtare dhe do preferoni të prisni edhe pak derisa të gjeni dashurinë e madhe. Në punë do i bëni gjërat me shumë pasion dhe askush nuk do ua kalojë dot. Disa kolegë do ju marrin si shembull. Yjet do ndikojnë goxha pozitivisht tek financat kështu që gjendja do jetë gjithë kohës e mirë.
Luani
Gjate kësaj dite jo vetëm do keni ide të mira, por do dini t’i vini ato në veprim. Për ju të dashuruarit e sotmja pritet të jetë e shkëlqyer. Do ndiheni aq mirë pranë partnerit saqë do falënderoni yjet për këtë dhurate që iu kanë bërë. Ju beqarët mund të filloni të pëlqeni persona të ardhur nga jashtë dhe që kanë tjetër pikëpamje për jetën. Në punë do ju realizohet më në fund një nga projektet e mëdha që e keni ëndërruar prej kohësh. Shumë gjëra për ju do jenë më ndryshe tani. Buxhetin do dini ta organizoni me kujdes dhe do e mbani situatën nën kontroll.
Virgjëresha
Ka mundësi që sot ta teproni me shumë gjëra dhe jeta do ju destabilizohet. Ju të dashuruarit duhet të reflektoni me shumë kujdes sepse po bëtë gabime gjërat mund t'iu ecin vërtet keq. Mendoni paksa edhe për të ardhmen. Ju beqarët do keni një ditë të jashtëzakonshme. Personi që do takoni do ua ndryshoje jetën njëherë e përgjithmonë. Në punë gjërat kanë për të qenë paksa më të vështira, prandaj do ju duhet më shumë mund, sakrifica dhe përpjekje. Po ja dolët sot, e nesërmja do jetë më e lehtë. Në planin financiar keni për të pasur fat, kështu që përfitoni për të bërë edhe disa investime më tepër.
Peshorja
Mërkuri do ju bëjë të përshtateni me çdo lloj situate gjatë kësaj dite. Intuita do ju vijë shumë në ndihmë. Nëse keni një lidhje, partneri do përkujdeset në pafundësi prandaj ju do e adhuroni edhe më tepër nga më parë. Dielli dhe ngjyrat do mbizotërojnë gjatë gjithë kohës. Ju beqarët jo vetëm që do filloni lidhje, por ajo ka për të qenë mjaft pasionante. Në punë do jeni të qëndrueshëm dhe bashkëpunues me kolegët. Çdo gjë për ju ka për të ecur në mënyrën më të mirë të mundshme. Në planin financiar duhet të jeni gjatë gjithë kohës të kujdesshëm sepse po bëtë ndonjë gabim gjendja mund të përkeqësohet.
Akrepi
Saturni do ju bëjë shumë kërkues gjatë kësaj dite. Bëni kujdes me ato që do kërkoni sepse po e tepruat mund të futeni në probleme. Nëse jeni në një lidhje, gjërat nuk kanë për të ecur shumë mirë. Do grindeni edhe për gjërat më elementare dhe nuk do ndiheni aspak të qetë. Ju beqarët nuk do mundni dot ta bëni për vete personin e ëndrrave dhe do vazhdoni të mbeteni të vetmuar. Në punë mos dilni në përfundime të përshpejtuara. Mirë do jetë t’i mendoni me kujdes gjërat e më pas të thoni fjalën e fundit. Me financat do jeni shumë më të organizuar dhe gjendja ka për të mbetur e jashtëzakonshme. Çdo investim do e bëni të mirëmenduar.
Shigjetari
Ka shumë mundësi që çdo gjë të konkretizohet sot dhe do ndiheni më të plotësuar. Ju të dashuruarit do i jepni më shumë rëndësi miqësisë dhe do e lini disi pas dore dashurinë. Nëse nuk flisni dhe nuk ja shpjegoni partnerit arsyen mund të ketë keqkuptime. Ju beqarët do merrni ftesa dhe propozime, por do gjeni justifikime nga më të ndryshmet për të mos pranuar ndryshime të statusit. Në punë do ju bëhen propozime mjaft interesante të cilat nuk duhet t’i neglizhoni. E ardhmja juaj do jetë shumë më e mirë nëse do dini të përfitoni. Financat duhen mbajtur më tepër nën kontroll në mënyrë që të mos ketë probleme as më vonë.
Bricjapi
Shumicën e kohës do jeni në ankth gjatë kësaj dite dhe aspak të qetë për të hedhur hapa më tej. Here pas here ju të dashuruarit do jeni në tension dhe mund të thoni gjëra të gabuara. Mundohuni që gjithmonë të vini arsyen para në mënyrë që të mos e prishni atmosferën e ngrohtë. Ju beqarët nuk do e kërkoni me ngulm dashurinë sepse edhe ashtu si jeni ndiheni mirë. Në punë jo çdo gjë do jetë tërësisht e qetë. Do keni shumë për të bërë dhe në disa momente mund të ndiheni të bllokuar. Buxheti do jetë i kënaqshëm kështu që mund të kryeni pa frikë edhe ndonjë investim më tepër nga zakonisht.
Ujori
Imagjinata juaj e zhvilluar do bëjë që sot gjërat t’iu ecin më së miri. Do i keni mendimet e ndriçuara. Nëse keni një lidhje, sado që t'iu joshin dhe t'iu bëjnë propozime interesante, nuk do tundoheni aspak dhe as që do ju shkojë ndër mend ta tradhtoni partnerin. Ju beqarët do ndihen gati për të bërë ndryshime në jetën tuaj dhe do i pranoni disa ftesa që do iu bëhen. Në punë do arrini shumë lart dhe nuk do ju trembin aspak të papriturat. Ju jeni mësuar me sfida dhe do i kaloni ato si gjithë të tjerat. Në planin financiar, sido që të jete situata, nuk keni për të pasur probleme apo vështirësi sepse do dini si të menaxhoni gjithçka.
Peshqit
Gjatë kësaj dite keni për të pasur më shumë fat në çdo plan dhe do ju duket sikur yjet po ju mbajnë me hatër. Për ju të dashuruarit e sotmja do jetë jashtëzakonisht e favorshme. Do kaloni plot çaste të ngrohta me atë që keni në krah, do bashkëpunoni për çdo gjë dhe do gjeni mirëkuptim për gjithçka. Ju beqarët do keni një takim të papritur, por vendimtar. Në punë do ndërmerrni iniciativa të reja dhe do i bëni shefat krenarë që ju kanë në stafin e tyre. Gjendja financiare do jetë goxha më e mirë sepse për çdo hap që do hidhni do jeni të përgjegjshëm. /dritare.net
