Dashi
Do jeni të papërmbajtshëm gjatë kësaj dite dhe ka rrezik të bëni gabime të mëdha me ata që ju rrethojnë. Nëse keni një lidhje ka rrezik që jeta juaj të ndërlikohet madje në disa momente mund të keni edhe probleme dhe mosmarrëveshje serioze me partnerin. Ju beqarët do realizoni plot takime, por asnjëri prej tyre nuk do ju duket aq interesant sa për të t'i çuar gjërat më tej. Në punë konkurrenca do jetë shumë e fortë. Do ju duhet të dyfishoni përpjekjet dhe të qëndroni me orë të zgjatura për të përfunduar detyrat e dhëna. Në planin financiar bëjini me shumë kujdes llogaritë në mënyrë që të mos keni asnjë lloj problemi.
Demi
Gjatë kësaj dite nuk duhet të bëni panik për vështirësitë që mund t’iu dalin. Sa më seriozë dhe sa më të vendosur të jeni aq më shpejt do kalojë gjithçka. Ju të dashuruarit do të bëni paqe me partnerin tuaj sepse nuk mund të vazhdohet më me kokëfortësi dhe me zënka. Mbrëmja ka për të qenë goxha më e ngrohtë. Ju beqarët ka mundësi të afroheni me persona që kanë tashme një lidhje tjetër. Ky do jetë një gabim me pasoja të rënda. Sipas Dritare.net, në punë do mendoheni gjatë dhe do keni pak frikë të hidhni hapa. Vetëm se po pritët gjatë shefat do ju kritikojnë dhe do ju shohin me një tjetër sy. Mos i shkaktoni probleme vetes. Buxhetin nuk do arrini dot ta mbani të stabilizuar sepse do shpenzoni pafund.
Binjakët
Ju që zakonisht ka mbathni me problemin më të vogël që ju del, sot do jeni më të vendosur të çoni deri në fund gjithçka. Ju të dashuruarit, pas një periudhe jo fort të mirë, tashmë klima do fillojë të ngrohet dhe do pajtoheni me atë që keni në krah. Ju beqarët do jeni edhe më të privilegjuar se pasi do takoni persona vërtet me vlera të cilët do ju bëjnë propozime interesante. Në punë Saturni do ju sigurojë qëndrueshmëri dhe do ju bëjë më të guximshëm se më parë. Do jeni më të organizuar dhe do përdorni strategji të efektshme. Financat do i keni gjithë kohës nën kontroll dhe nuk do përballeni me asnjë lloj tronditje në këtë fushë.
Gaforrja
Do lini çdo gjë tjetër pas krahëve gjatë kësaj dite dhe do mendoni vetëm si ta bëni jetën më të bukur. Mund të bëni edhe sakrifica për ta arritur këtë gjë. Ju të dashuruarit do keni diskutime të sinqerta me partnerin tuaj dhe do mund të vendosni edhe disa pika mbi "i" për çështje delikate. Secili do respektojë idetë dhe mendimet e tjetrit. Ju beqarët do jeni me shumë fat në dashuri dhe me shumë gjasë do e ndryshoni statusin tuaj më shpejt nga sa mendonit. Në punë do ndiheni shumë të lirë për të vënë në zbatim idetë tuaja. Çdo gjë do ju duket më e këndshme tashmë. Në planin financiar do keni ide më të mira sesi ta organizoni situatën që të mos keni tronditje.
Luani
Gjatë kësaj dite nuk do hezitoni aspak të hidhni hapa të rëndësishme dhe do mundoheni ta zbukuroni të ardhmen. Nëse jeni në një lidhje do kaloni një ditë të mrekullueshme. Do dashuroheni pa dorashka pranë partnerit dhe emocionet do jenë të veçanta. Ju beqarët do bëni ato çfarë do ndieni dhe për fat gjërat do ju ecin si duhet. Në punë nuk do keni më aspak debate me eprorët tuaj, megjithatë me kolegët mund të keni ende disa mosmarrëveshje të vogla. Mundohuni të flisni më qetësisht dhe të gjeni zgjedhjen më të mirë për të dy palët. Në planin financiar do keni vështirësi të njëpasnjëshme kështu që duhet të tregoheni sa më të kujdesshëm me çdo hap dhe me çdo shpenzim.
Virgjëresha
Do jeni tej mase shprehës gjatë kësaj dite dhe do ua thoni të tjerëve çdo gjë troç. Në fakt kjo do vlerësohet tej mase nga të gjithë. Ju të dashuruarit nuk do keni asnjë lloj problemi me partnerin tuaj, përkundrazi marrëdhënia me të do vijë duke u stabilizuar ndjeshëm. Ju beqarët do keni një jetë sociale mjaft aktive dhe do arrini ta gjeni prindin tuaj të kaltër më shpejt nga sa mendonit. Në punë do keni mundësitë ecni para dhe të finalizoni një projekt të nisur prej kohësh. Të gjithë do i kenë sytë nga ju. Në planin financiar, impulsiviteti i tepruar do ju çojë në rrugë të gabuar. Reflektoni disa herë para se të hidhni hapa.
Peshorja
Mbrohuni nga intrigat dhe inatet e të tjerëve gjatë kësaj dite sepse do ua prishin komplet harmoninë. Nëse jeni në një lidhje kujdes nga konfliktet që mund t'i nxisin të tjerët sepse nuk do mund ta kontrolloni dot veten më pas. Mundohuni të ngrini disa barriera dhe të mos lejoni askënd të prekë lidhjen që keni. Sipas Dritare.net, ju beqarët do tregoheni tej mase të pamatur dhe ka rrezik të bëni gabime. Në punë mos u tregoni arrogantë sepse keni për ta pësuar. Mësoni nga kolegët me më shumë përvojë dhe pranoni këshillat që do iu japin. Financat do dini si t'i menaxhoni me kujdes në mënyrë që gjendja të mbetet e mirë.
Akrepi
Nëse nuk bëni përpjekjet e duhura për ta përmirësuar jetën tuaj sot, mos prisni që gjërat të ndodhin me magji. Nëse keni një lidhje mundohuni mbi të gjitha ta stabilizoni sa më parë jetën tuaj në çift dhe mos kërkoni gjëra të pamundura. Nëse jeni ende vetëm nuk do keni fat në dashuri kështu që do ju duhet ende të prisni për të pasur ndryshime të statusit. Në punë do përballeni me situata të ndryshme nga zakonisht. Me më shumë besim tek vetja dhe me këmbëngulje do arrini ku doni dhe mund të ndryshoni pozicionin. Buxheti nuk do jetë i keq, por pas disa shpenzimeve marramendëse që do kryeni në mbrëmje keni për të mbetur keq.
Shigjetari
Gjatë kësaj dite do i keni idetë shumë të qarta dhe do dini përherë si të veproni si duhet. Asnjë moment nuk do ju ndodhin probleme serioze. Qetësia, harmonia, pasioni dhe emocionet do e pushtojnë jetën tuaj në çift. Për asgjë nuk do mundni dot të ankoheni. Nëse jeni beqarë do keni një jetë mjaft aktive dhe nuk do mërziteni edhe sikur të mos e gjeni princin e kaltër. Në punë Urani me pozicionimin e tij do ju ndihmojë të ndryshoni disa gjëra të vogla në mënyrë që gjithçka t’iu ecë më mirë se më parë. Dita pritet të jetë më pozitive nga sa e kishit menduar. Të ardhurat do jenë disi delikate, por me pak përkujdes dhe me pak ndihmë nga të afërmit do ja dilni mbanë.
Bricjapi
Nëse ua vini veshin sinjaleve që do iu japë Saturni gjatë kësaj dite dhe bëni lëshime gjërat do ju ecin mirë. Maturia dhe durimi kanë për të qenë akoma më të vlerësuara. Nëse keni një lidhje merrni masa sa më shpejt që ta përmirësoni jetën tuaj në çift sot sepse po i latë gjërat pas dore situata mund të dalë jashtë kontrollit. Ju beqarët do ndesheni papritur me disa persona interesantë të cilët mund t'ua ndryshojnë jetën përgjithmonë. Në punë do avanconi me ritme të shpejta dhe do ua kaloni të gjithëve. Do i afroheni tej mase postit që keni ëndërruar përherë. Një pjesë e kolegëve do gëzohen e një pjesë e ziliqarëve do trishtohen. Gjendja financiare do jetë goxha e mirë. Përfitoni nga rasti për të bërë investime dhe për të kryer transaksione.
Ujori
Ka mundësi që dot të jeni paksa të ndjeshëm dhe në disa momente mund të trishtoheni. Mundohuni të mos mendoni gjënë e fundit të parën. Ju të dashuruarit do merreni vesh më së miri me partnerin tuaj dhe mund të ndiheni gati edhe për të marrë vendime të rëndësishme. Nuk do mungojnë çastet romantike gjithë kohës. Ju beqarët do ndiheni mirë ashtu si jeni dhe nuk do hidhni asnjë hap për të bërë ndryshime. Në punë do jeni shumë kompetentë dhe talentin që keni do dini ta vini sa më mirë në shërbim të qëllimeve që keni. Periudhën e tranzicionit do e lini pas krahëve. Sektori i financave nuk do jetë shumë i kënaqshëm kështu që më mirë mos e teproni me shpenzimet.
Peshqit
Dielli dhe Mërkuri do ju nxitin të reflektoni me kujdes sot dhe do i shprehni ndjenjat më tepër. Për ju të dashuruarit do jetë një ditë pozitive. Do jeni tej mase sensualë dhe entuziastë në marrëdhënien që keni krijuar. Ju beqarët nuk duhet të nxitoheni për asgjë sepse mund të lëndoni veten. Hapa duhet të hidhni vetëm kur të jeni shumë të sigurt. Në punë, pavarësisht lodhjes, nuk do ndaleni dhe do merrni atë që dëshironi. Do jeni profesionistë të vërtetë dhe do keni arritje të jashtëzakonshme. Në planin financiar do jeni tej mase ambiciozë dhe do bëni të pamundurën që ta përmirësoni gjendjen. Për këtë mundet edhe të rrezikoni. /dritare.net
