Horoskopi i datës 11 shtator 2022 nga Christine Haas

Dashi

Do e urreni rutinën gjatë kësaj dite dhe do bëni të pamundurën për ta ndryshuar atë. Thojini gjërat si i ndjeni dhe pa u druajtur. Ju që keni një lidhje do jeni më pak ëndërrimtarë dhe me pak romantikë. Megjithatë falë ndikimit të Jupiterit marrëdhënia juaj do jetë e ngrohtë dhe mjaft sensuale. Ju beqarët më në fund do ndiheni të plotësuar pasi do takoni personin që keni ëndërruar prej kohësh. Në punë do përballeni me shumë të papritura që do ju detyrojnë të merrni një pozicion të ri. Mund të pranoni edhe të punoni orë shtesë. Nëse doni që çështjet financiare të shkojnë mirë, duhet të mos nxitoheni për të shpenzuar. Maturia do jetë shumë e vlefshme.

Demi

Në vend që të drejtoheni nga emocionet mundohuni të jeni sa më të kujdesshëm gjatë kësaj dite dhe të reflektoni për çdo veprim që do bëni. Lidhja juaj ka rrezik të kaloje një fazë paksa delikate. Secili do dojë të jetojë më vete dhe komunikimi do të pakësohet ndjeshëm. Bëni shumë kujdes. Ju beqarët do jeni më të hapur dhe do dilni me tepër me miqtë. Kjo është më e mira që mund të bëni pasi mund të takoni personin e ëndrrave. Në punë do lodheni shumë dhe në disa momente do ju duket i pamundur suksesi. Yjet këshillojnë të mos dorëzoheni dhe të mos shteroni përpjekjet. Keni probleme me financat? Mos u alarmoni menjëherë, por mendohuni si t’i zgjidhni ato.

Binjakët

Edhe pse Dielli do e ngrohtë ditën e sotme në shumë momente do e keni të vështirë të merrni vetë disa vendime. Nëse doni mendim, kërkojuani personave që ju besoni jo kujtdo. Falë mbështetjes së Venusit ju të dashuruarit do jeni sharmantë dhe joshës. Çdo gjë do ju ecë për mrekulli dhe do kaloni momente harmonike. Për sa iu përket ju beqarëve, ka shumë mundësi të takoni shpirtin tuaj binjak. Bëjini sytë katër sepse ai mund të shfaqet në momentin që ju me pak e prisni. Në punë, diskutimet me disa bashkëpunëtorë do ju bëjnë të reflektoni dhe të evoluoni në drejtimin e duhur. Me paratë gjithçka do shkojë mirë pasi do i menaxhoni me kujdes dhe me maturi ato.

Gaforrja

Mos bëni sikur i dini të gjitha gjatë kësaj dite sepse do i zhgënjeni të tjerët dhe nuk do përfitoni asgjë. Pozicioni i Venusit do luaje një rol shumë të rëndësishëm për ju të dashuruarit. Do jeni më tolerantë dhe më të kuptueshëm me atë që keni në krah. Ju beqarët do takoni një person interesant i cili do iu dashurojë sinqerisht. Mos e humbni mundësinë për ta njohur. Jeta profesionale nuk do jetë perfektë, kështu që bëjini mirë llogaritë para se të veproni. Mos kërkoni më shumë sesa meritoni dhe mos mendoni se mund të arrini gjithçka. Për financat do jetë ditë delikate. Tregohuni shumë të kujdesshëm nëse nuk doni të mbeteni pa asnjë lek.

Luani

Kjo e sotmja nuk do jetë një dite rutinë për ju. Do e gjeni gjithmonë diçka që do e bëjë çdo çast emocionues. Nëse keni një lidhje, Neptuni do iu sjellë shumë fat. Do qëndroni më shumë kohe pranë atij që dashuroni dhe do ia kaloni më së miri në krahët e tij. Do i adhuroni përkëdheljet dhe ledhatimet që do iu japë. Ju beqarëve do iu plotësohet dëshira për të krijuar një lidhje. Në punë nuk do jeni shumë të përqendruar dhe mund te gjendeni në vështirësi në disa momente. Për fat miqtë do ju ndihmojnë dhe do ua mbulojnë gabimet. Financat nuk do jenë në gjendjen më të mirë, prandaj kujdes me shpenzimet e tepruara.

Virgjëresha

Sot do lini pas krahëve të gjitha problemet që keni pasur dhe do e shihni jetën me më shumë optimizëm. Vëmendjen kryesore do ta vendosni tek gjërat që me të vërtetë ja vlejnë. Nëse keni një lidhje, dashuroni ashtu si dini dhe ashtu si e ndjeni. Vetëm në këtë mënyrë do përjetoni emocionet që keni dëshiruar gjithmonë dhe do ndiheni të plotësuar. Ju beqarët do jeni më të qartë për atë që doni të bëni në jetën tuaj sentimentale dhe do hidhni hapat e duhura. Në punë do jeni gjithë kohës të kujdesshëm, do mateni para se të veproni dhe nuk do ndërmerrni rreziqe. Gjithçka do shkojë sipas planeve. Financat do jenë të mira, megjithatë nuk duhet të shpenzoni pa u menduar vetëm për t’ia bërë qejfin vetes.

Peshorja

Mundohuni të bëni çdo lloj përpjekjeje sot për ta përmirësuar marrëdhënien me të gjithë që ju rrethojnë sepse vetëm ashtu do jeni më optimistë dhe do ndiheni mirë. Ju të dashuruarit nuk do keni durimin e duhur për ta dëgjuar partnerin tuaj dhe kjo do nxitë herë pas here debate dhe probleme. Ju beqarët do keni një ditë të mbushur me aventura dhe emocione. Do bëni mirë nëse e shfrytëzoni në maksimum çdo çast sepse nuk do ketë më të tilla ditë. Në punë, ngaqë do doni të arrini çdo gjë menjëherë, ka rrezik t’i ngjitni shpejt shkallët dhe do lini boshllëqe. Financat do jenë të kënaqshme kështu që përfitoni nga për të bere edhe ndonjë investim më shumë.

Akrepi

Hëna dhe Neptuni do bëhen bashkë gjatë kësaj dite për t’iu mbajtur larg telasheve dhe për t’iu sjellë emocione. Ambienti yjor do të favorizojë dashurinë për ju që jeni në një lidhje. Do të rigjeni pasionin e sensualitetin dhe mosmarrëveshjet e kohëve të fundit do të harrohen menjëherë. Ju beqarët do jeni plot sharm dhe do keni fat në dashuri. Kujdes nga xhelozia e disa personave që iu rrethojnë sepse do mundohen t’iu prishin punë. Në planin profesional konkurrenca do jetë shumë e fortë, por kjo nuk duhet t’iu dekurajojë aspak. Nëse ëndërroni ndryshime të mëdha duhet të bëni durim dhe të mos dorëzoheni. Në planin financiar do ju jepen shumë mundësi për të rregulluar çdo gjë. As këmbëngulja nuk do ju mungojë.

Shigjetari

Do jeni shumë objektivë gjatë kësaj dite dhe do mundoheni të krijoni gjithmonë ambiente të këndshme. Nëse jeni në një lidhje që prej shumë kohësh priten ndryshime pozitive. Një mirëkuptim më i madh do bëjë që edhe diskutimet të jenë të qeta dhe pa debate. Ju beqarët duhet të keni më shumë besim tek vetja dhe do e gjeni personin që po kërkoni. Mos kini frikë të bëni edhe ndonjë çmenduri të vogël. Në punë do mobilizoheni më tepër dhe nuk do ju mungojë as përqendrimi. Mund të ndryshoni edhe strategji vetëm për të mos mbetur në vend. Në planin financiar duhet të bëni shumë kujdes sepse atmosfera do jetë shumë e zymtë.

Bricjapi

Pavarësisht nga sa dukeni në pamje, ju do bëni përpjekje reale për të avancuar gjatë kësaj dite. Nëse keni një lidhje mos bëni gabim të fantazoni për dikë tjetër që nuk është partneri juaj. Ai që keni në krah iu do jashtë mase dhe mendon të kalojë jetën me ju. Pse duhet te prishni gjithçka që keni ndërtuar deri më sot? Jeta sentimentale për ju beqarët do keni ndryshime drastike, por pozitive. Në punë situata do jetë shpesh e trazuar, por nuk duhet ta humbisni besimin. Po u dorëzuat lehtësisht do dilni edhe më të humbur. Buxhetin menaxhojeni me më shumë maturi nëse nuk doni të përballeni me vështirësi.

Ujori

Sot do keni një dinamizëm shpirtëror dhe fizik për t’u adhuruar. Kjo gjë do ju ndihmojë dhe do ju inkurajojë t’ia dilni edhe në disa sfida të rrezikshme që keni ndërmarrë. Nëse keni një lidhje, zemra juaj do flakërohet dhe emocionet do jenë të papërshkrueshme. Partneri do iu përgatisë surpriza dhe dhurata të mrekullueshme. Ju beqarët do filloni histori të bukura dashurie të cilat do ua mbushin jetën me gëzim. Shfrytëzojeni çdo moment. Në punë mos thyeni asnjë rregull për të arritur qëllimet. Pavarësisht mundin dhe dëshirës së mirë nuk do arrini aq lart sa do donit. Në planin financiar qëndroni të matur nëse nuk doni të keni surpriza të pakëndshme.

Peshqit

Lufta e madhe yjore do bëjë që gjërat të mos ju ecin aq mirë sa do kishit dashur sot. Ju që keni një lidhje zakonisht e çmoni partneri tuaj për gjithçka që bën dhe për idetë që ka, por sot falë ndikimit negativ të yjeve do e kritikoni atë dhe do grindeni. Ju beqarët do vazhdoni të jeni të bindur se dashuria do iu vijë si me magji dhe do zhgënjeheni serish. Tregohuni sa më realistë. Në punë nuk do ndiheni mirë me projektet që po bëni dhe do mendoni të hiqni dorë nga çdo gjë. Të ardhurat do rriten ndjeshëm falë një pune të rëndësishme dhe fitimprurëse që do kryeni. /dritare.net