Vaksina e parë e koronavirusit që synon të mbrojë njerëzit me një shpim të vetëm është futur në fazat e fundit të testimit në Shtetet e Bashkuara. Faza e fundit përfshin një testim ndërkombëtar që do të rekrutojë deri në 60,000 pjesëmarrës. Vaksina eksperimentale që po zhvillohet nga gjiganti farmaceutik Johnson & Johnson është e katërta që hyn në testet e mëdha, faza 3 në Shtetet e Bashkuara që do të përcaktojë nëse është efektive dhe e sigurt. Sipas Paul Stoffels, zyrtari kryesor shkencor i J&J, deri në fund të vitit do të ketë të dhëna të mjaftueshme për vaksinën dhe plani është që të prodhohen 1 miliard doza vitin e ardhshëm, informon dritare.net
Tri vaksinat e tjera nga kompanitë amerikane kanë nisur që herët me testime. Vaksina e prodhuar nga Janssen Farmaceutike Kompanitë, ndarje e J&J, ka përparësi që mund ta bëjnë më të lehtë administrimin dhe shpërndarjen nëse është e sigurt dhe efektive. Vaksina J&J do të transportohet e ngrirë, por mund të ruhet në formë të lëngshme në temperaturat e frigoriferit për tre muaj, ndërsa dy nga kandidatet kryesore duhet të ngrihen ose të mbahen në temperatura shumë të ftohta, deri pak para përdorimit.
Shtetet e Bashkuara kanë investuar miliarda dollarë në një sërë teknologjish vaksinash. 1.5 miliardë janë investuar për të mbështetur zhvillimin e vaksinës J&J dhe për blerje paraprake të 100 milionë dozave./K.C/dritare.net
