Netanyahu shkarkon ministrin izraelit të Mbrojtjes, Yoav Gallant
E Martë 5 Nëntor 2024, 20:08
Dritare.net
Andrew Harnik/Getty Images
Kryeministri izraelit Benjamin Netanyahu ka shkarkuar ministrin e Mbrojtjes Yoav Gallant pas disa muajsh përplasjesh mbi politikën e brendshme dhe mosmarrëveshjet mbi përpjekjet e Izraelit për luftë.
Në një deklaratë Netanyahu tha se "gjatë muajve të fundit, ky besim mes meje dhe ministrit të Mbrojtjes është plasaritur".
Israel Katz, aktualisht ministër i Jashtëm, do të bëhet ministër i Mbrojtjes dhe Gideon Sa'ar do të zëvendësojë Katz-in si ministër i Jashtëm, tha zyra e kryeministrit të martën.
Gallant iu përgjigj vendimit menjëherë pasi u bë publik, duke postuar në X se "siguria e Izraelit ka qenë dhe do të jetë gjithmonë misioni im i përjetshëm".
Klasa politike e Izraelit ka spekuluar prej kohësh se Netanyahu do të pushonte Gallantin dhe do ta zëvendësonte atë me një aleat politik për të mbështetur fuqinë e tij të brendshme. Netanyahu ka luftuar për të mbajtur një kontroll mbi koalicionin e tij të brishtë qeverisës, rënia e të cilit mund të sjellë fundin e udhëheqjes së Netanyahu-t./K.C/dritare.net
